Tv Klan - Vlora "thahet" për ujë të pijshëm

“Në kulm të sezonit turistik, Vlora vuan ende mungesën e furnizimit me ujë të pijshëm, por në periferi të saj, lagjet si Partizani nuk furnizohen me ujë. Kjo është situata. Në çezmat e kësaj lagje, mungon uji i pijshëm ", raporton gazetarja Greta Haskaj.

Por ashtu, edhe si kjo zonë, jane edhe disa lagje të qytetit bregdetar që po vuajnë nga mungesa e ujit të pijshëm. Banorët e lagjes 15 Tetori, e njohur ndryshe dhe si Topanaja, shprehen se kanë bërë disa herë ankesë për zgjidhjen e këtij problemi, por ende nuk kanë marrë një zgjidhje nga ana e institucioneve.

"Si ja bëjmë ne? Ja, pa ujë. Tani mbushim ujë një herë në dy ditë", u shpreh një banore.

"S'ka ujë, s'ka jetë. Çfarë do më?", shton një tjetër.

Të mbetur pa një zgjidhje, e kanë gjetur atë tek uji i blerë si dhe tek investimi në puse private.

Pyetje: Ujin e blini?

Banorja: Po.

Pyetje: Sa shpenzoni?

Banorja: Po, 4-5 boliera, nga 20 mijë lekë.

Drejtoria e Ujësjellës-Kanalizime në Vlorë, në përgjigje të kërkesës së Tv Klan për informacion lidhur me këtë situatë, bën të ditur se lagjia Partizani dhe lagjet e tjera periferike, janë pjesë e projektit të furnizimit me 24 orë ujë të pijshëm.

Deri sa të zgjidhet ky problem, banoret e ketyre lagjeve nuk mbetet gjë tjetër veçse ta sigurojnë vetë atë.

Tv Klan
SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/