Nooh Narvi Shayari - Wo Kehte Hain Aao Meri Anjuman Mein - Urdu Poetry

Urdu Poetry - Nooh Narvi Shayari

Wo Kehte Hain Aao Meri Anjuman Mein - Urdu Spoken Word Poetry

Urdu Poetry of Nooh Narvi
Urdu Ghazal: Woh Kehte Hain Aao Meri Anjuman Mein Magar Main Wahan Ab Nahin Jane Wala
Spoken Word: Raheel Farooq

Woh Kehte Hain Aao Meri Anjuman Mein Magar Main Wahan Ab Nahin Jane Wala
Ke Aksar Bulaya Bula Kar Bithaya Bitha Kar Uthaya Utha Kar Nikala

Urdu Spoken Word Poetry - Nooh Narvi Shayari


وہ کہتے ہیں آؤ مری انجمن میں مگر میں وہاں اب نہیں جانے والا
کہ اکثر بلایا بلا کر بٹھایا بٹھا کر اٹھایا اٹھا کر نکالا

نوحؔ ناروی کی شاعری

غزل:

وہ کہتے ہیں آؤ مری انجمن میں مگر میں وہاں اب نہیں جانے والا
کہ اکثر بلایا بلا کر بٹھایا بٹھا کر اٹھایا اٹھا کر نکالا

نشاط و الم کے سفید و سیہ نے ہماری نگاہوں کو حیرت میں ڈالا
ادھر روشنی ہے ادھر تیرگی ہے کہیں ہے اندھیرا کہیں ہے اجالا

مرا درد پوچھا مرا حال دیکھا مرے دل کا ارمان تم نے نکالا
خدا اور بھی دے زیادہ مراتب سوا اور اس سے بھی ہو بول بالا

پڑی نیو آپس میں گو دوستی کی مگر دوستی کس طرح نبھ سکے گی
اسے ہے نزاکت مجھے ہے نقاہت نہ وہ آنے والا نہ میں جانے والا

شوالے کی جانب قدم کیوں بڑھاؤں نظر کس لئے سوئے مسجد اٹھاؤں
ادھر کہہ رہا ہے ادھر سن رہا ہے کوئی کہنے والا کوئی سننے والا

ہمیں پر ہوئیں کیا ہزاروں جفائیں ہزاروں پر آئیں ہزاروں بلائیں
زمانے میں کوئی سنبھلنے نہ پایا کسی شوخ نے ہوش جب سے سنبھالا

وہ آئے تھے پہلو میں بے ہوش تھا میں ہوئی ہوگی دل پر بہت کچھ نوازش
مگر کیا خبر مجھ کو اللہ جانے تمنا نکالی کہ کانٹا نکالا

ہزاروں بلا نوش ادھر بھی ادھر بھی ملی اتنی فرصت کہاں مے کدے میں
رہا کام پینے پلانے سے سب کو نہ دھوئی صراحی نہ ساغر کھنگالا

محبت کے جوگی ستم کے بروگی وفا کے بھکاری جفا کے پجاری
جہاں دیکھ پاتے ہیں جلوہ بتوں کا بچھاتے ہیں اپنا وہیں مرگ چھالا

چرا لے گیا کوئی دل بھی جگر بھی اڑا لے گیا کوئی صبر و سکوں بھی
یقیں ہے تمنا نکلتے نکلتے نکل جائے گا عاشقوں کا دوالا

وطن سے نکل کر اکیلے چلے تھے مگر خوش یقینی کے قربان جائیں
ملا دشتِ غربت میں اک اک قدم پر ہمیں اک نہ اک جان پہچان والا

فغاں کی بھی امداد حاصل کروں میں محبت کو بھی کچھ توجہ دلاؤں
بھرم جذبِ دل کا نکلنے نہ پائے نکل آئے پردے سے وہ پردے والا

غضب ڈھا گئیں سیدھی سادی ادائیں ستم کر گئیں ترچھی بانکی نگاہیں
یہی شور اٹھا جدھر سے وہ گزرے مجھے مار ڈالا مجھے مار ڈالا

ادھر طور پر غش میں موسیٰ پڑے ہیں ادھر ہاتفِ غیب یہ کہہ رہا ہے
ذرا کھولیے آپ آنکھیں تو اپنی قریب آ گیا دیکھیے دور والا

یہ مطلب تھا ارمان اس کے نہ نکلیں جو تڑپیں تو کچھ اور پیچیدگی ہو
مرے خانۂ دل میں رنج و الم نے تنا ہر طرف خوب مکڑی کا جالا

تمھارا ثنا خواں تمھارا دعا گو تمھارا فدائی تمھارا سلامی
یہ کیا کہہ دیا اس نے واقف نہیں ہم وہی ہاں وہی نوحؔ طوفان والا

wo kahte hain aao meri anjuman mein magar main wahan ab nahin jaane wala

Nooh Narvi

vo kahte haiñ aao mirī anjuman meñ magar maiñ vahāñ ab nahīñ jaane vaalā
ki aksar bulāyā bulā kar biThāyā biThā kar uThāyā uThā kar nikālā

nashāt-o-alam ke safed-o-siyah ne hamārī nigāhoñ ko hairat meñ Daalā
idhar raushnī hai udhar tīrgī hai kahīñ hai añdherā kahīñ hai ujālā

mirā dard pūchhā mirā haal dekhā mire dil kā armān tum ne nikālā
ḳhudā aur bhī de zyāda marātib sivā aur is se bhī ho bol-bālā

paḌī niiv aapas meñ go dostī kī magar dostī kis tarah nibh sakegī
use hai nazākat mujhe hai naqāhat na vo aane vaalā na maiñ jaane vaalā

shivāle kī jānib qadam kyuuñ baḌhā.ūñ nazar kis liye sū-e-masjid uThā.ūñ
idhar kah rahā hai udhar sun rahā hai koī kahne vaalā koī sunñe vaalā

hamīñ par huiiñ kyā hazāroñ jafā.eñ hazāroñ par aa.iiñ hazāroñ balā.eñ
zamāne meñ koī sambhalne na paayā kisī shoḳh ne hosh jab se sambhālā

vo aa.e the pahlū meñ behosh thā maiñ huī hogī dil par bahut kuchh navāzish
magar kyā ḳhabar mujh ko allāh jaane tamannā nikālī ki kāñTā nikālā

hazāroñ balā-nosh idhar bhī udhar bhī milī itnī fursat kahāñ mai-kade meñ
rahā kaam piine pilāne se sab ko na dhoī surāhī na sāġhar khañgālā

mohabbat ke jogī sitam ke birogī vafā ke bhikārī jafā ke pujārī
jahāñ dekh paate haiñ jalva butoñ kā bichhāte haiñ apnā vahīñ mirg-chhālā

churā le gayā koī dil bhī jigar bhī uḌā le gayā koī sabr-o-sukūñ bhī
yaqīñ hai tamannā nikalte nikalte nikal jā.egā āshiqoñ kā divālā

vatan se nikal kar akele chale the magar ḳhush-yaqīnī ke qurbān jaa.eñ
milā dasht-e-ġhurbat meñ ik ik qadam par hameñ ik na ik jān-pahchān vaalā

fuġhāñ kī bhī imdād hāsil karūñ maiñ mohabbat ko bhī kuchh tavajjoh dilā.ūñ
bharam jazb-e-dil kā nikalne na paa.e nikal aa.e parde se vo parde vaalā

ġhazab Dhā ga.iiñ sīdhī-sādī adā.eñ sitam kar ga.iiñ tirchhī bāñkī nigāheñ
yahī shor uTThā jidhar se vo guzre mujhe maar Daalā mujhe maar Daalā

idhar tuur par ġhash meñ muusā paḌe haiñ udhar hātif-e-ġhaib ye kah rahā hai
zarā kholiye aap āñkheñ to apnī qarīb aa gayā dekhiye duur vaalā

ye matlab thā armān us ke na nikleñ jo taḌpeñ to kuchh aur pechīdgī ho
mire ḳhāna-e-dil meñ rañj-o-alam ne tanā har taraf ḳhuub makḌī kā jaalā

tumhārā sanā-ḳhvāñ tumhārā duā-go tumhārā fidā.ī tumhārā salāmī
ye kyā kah diyā us ne vāqif nahīñ ham vahī haañ vahī 'nūh' tūfān vaalā

#UrduPoetry #Classic #Shayari