ကျနော်တို့ စစ်ကောင်စီကို ပြန်တိုက်မယ် (ရုပ်/ သံ)

ဧရာဝတီ၊ ဧပြီ ၂၁၊ ၂၀၂၅

ကရင်အမျိုးသားလွတ်မြောက်ရေးတပ်မတော် (KNLA) ထံမှာ အလင်းဝင်ရောက်ခဲ့တဲ့ "အောင်ဇေယျ" စစ်ကြောင်းက တပ်ဖွဲ့ဝင်တွေဟာ စစ်ကောင်စီတပ်ကို ပြန်တိုက်မယ်လို့ ပြောပါတယ်။

ထိုင်း−မြန်မာနယ်စပ်က မြဝတီမြို့ကို ပြန်လည်ထိန်းချုပ်နိုင်ဖို့အတွက် ဒုတိယဗိုလ်ချုပ်မှူးကြီး စိုးဝင်း ကိုယ်တိုင်ကွပ်ကဲတဲ့ အောင်ဇေယျ စစ်ဆင်ရေးဟာ တနှစ်ကျော်ကာလကို ရောက်ရှိလာခဲ့ပြီဖြစ်ပေမယ့် ရှေ့မတိုးနိုင်ဘဲ လမ်းခရီးမှာ အကျအရှုံးတွေနဲ့ ရင်ဆိုင်နေရပါတယ်။

တော်လှန်ရေးတပ်တွေရဲ့ တိုက်ခိုက်ခြေမှုန်းမှုကို ခံနေရတဲ့ အောင်ဇေယျ စစ်ကြောင်းမှာ အသေအပျောက်တွေ များသလို ဘက်ပြောင်းလာတဲ့ တပ်ဖွဲ့ဝင်တွေလည်း အများအပြားရှိနေတာဖြစ်ပါတယ်။

ဒီအထဲမှာ ၁၀၂၇ စစ်ဆင်ရေး အတွင်း လောက်ကိုင်မှာ လက်နက်ချခဲ့တဲ့ စစ်ကောင်စီတပ်ဖွဲ့ဝင်တွေလည်း အများအပြားပါဝင်ခဲ့ပြီး အဲဒီထဲမှာ ဒုတပ်ကြပ် အောင်ကိုဝင်းရဲ့ ရှမ်းပြည်နယ်တောင်ပိုင်း၊ ရွှေညောင်အခြေစိုက် ခလရ ၉၄ တပ်ရင်းလည်း အပါအဝင်ဖြစ်ပါတယ်။

#မြန်မာ #ဧရာဝတီ #အောင်ဇေယျစစ်ကြောင်း #မြဝတီ #KNLA #WhathappensInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR