شيله : محمد مبارك بنيه الخرينج ، كلمات : ناصر بطيان ، اداء : جزاع المري

فر راسي كل ماتفر الطواري
فر جيبً ضاري لقطع الخرايم
صوت شكمانه ليا اطلق طلق ناري
عزمه اقوى من قويين العزايم
لكزسٍ كان استوى والليل ساري
ياخذ من اللي قسمه الله قسايم
لا عطيته ف المواقيف انتحاري
ماتومي به ذعاذيع النسايم
ماهو من الوان سجاد القفاري
ابيضً كنه من السحب الردايم
نصه اللي لا نصيته ف امر طاري
مايغيب ودايم يجيب الغنايم
حيه محمد وجا للمدح طاري
العظيم اللي مواقيفه عظايم
ماهو يدور على مخرج طوراي
ابلجً في راسه سعوط وعزايم
من تحزّم فيه ماشاف العزاري
وماتشكى للبشر قاعد وقايم
وفي ابوه مبارك بنيه نماري
العديم اللي مواكيره عدايم
لاوقف لك يجعل الصعب اختياري
عند وجهك دايم وهقوتك دايم
قوته اقوى من الامر الوزاري
هو حكومه كان فالعالم حكايم
الكريم اللي يمينه نهر جاري
في عطاه اكرم من القنف الرزايم
مايقلط غير من سفن الصحاري
قايم ف لازمه ويقيم الولايم
واعضداه اللي ماجارهم مجاري
من خلقهم ربي شيوخ وصتايم
ومن يجيهم له فاللزوم الاضطراري
لاغدت له دنيته ظيم وظلايم
وقفو له مثل ابو ذر الغفاري
ماخذاهم فالمواقف لوم لايم
والخرينج مايهاب ولا يداري
عاد من يوم الجهل له طير حايم
عزوةً لاصملت والكل داري
يجعلون موحد السربه قسايم
من سلايل عون عزي وافتخاري
كانها قامت على الراس القوايم
ضربهم فالحرب ضرب عيار ناري
في جديدات السنين وفالقدايم
يودعون الخصم لسباع الضواري
و للهلاك يروح ملعون الرسايم
ذكرهم دايم مع الركبان جاري
والنعم دايم تلازمهم لزايم
هم ذخاير عبس لابارا المباري
يحذفون اخصامهم حذف العمايم
ومجدنا يروى قبل روي البخاري
نرتكب فاللي يعادينا جرايم
لاضربنا رمحنا للصدر فاري
ابلنا ماتوخذ وفيها الوسايم
والرشيدي فالسيوف وبالشباري
حط في وجه الخصم وسم و علايم