Qo‘shilgan qiymat solig‘i ma’murchiligida QQS qaytarish masalalari

#qqs

QQS — davlat budjeti daromadlarining asosiy manbalaridan biri. Uning samarali ma’murchiligi iqtisodiy barqarorlikni ta’minlaydi, biznes uchun ishonchni oshiradi va byurokratik to‘siqlarni kamaytiradi.

🔑 Asosiy huquqiy asoslar:

– Soliq kodeksi 103–104-moddalari — ortiqcha to‘langan yoki hisobga olingan QQSni qaytarish/hisobga olish huquqi.

– Vazirlar Mahkamasining 2020-yil 14-avgustdagi 489-son qarori — QQS qaytarish tartibini belgilaydi.

📌 QQS quyidagi holatlarda qaytariladi:

– Eksport operatsiyalariga nol stavka qo‘llanilganda.

– Hisoblangan QQS summasi hisobga olingan QQSdan kam bo‘lganda.

📝 QQS qaytarish jarayoni:

– Ortiqcha summa soliq hisobotlari natijasida aniqlanadi.

– Soliq to‘lovchi elektron ariza va hujjatlar taqdim etadi:

– Eksport ma’lumotlari taqdim etiladi (6-ilovaga muvofiq).

– Vositachilik shartnomalari kiritiladi (zarur hollarda).

– Xalqaro tashish hujjatlari kiritiladi (5-ilovaga muvofiq).

– Kontrakt, bojxona deklaratsiyasi, kuzatuv hujjatlari, bank ma’lumotnomasi kiritiladi.

❗️Soliq qarzi mavjud bo‘lsa — ortiqcha summa qarz hisobidan qoplanadi.

✅ Qarzdorlik mavjud bo‘lmasa — summa to‘g‘ridan to‘g‘ri bank hisob-raqamiga qaytariladi.

⚡️ Imtiyozli tartib: “AAA” reytingiga ega tadbirkorlik subyektlari (davlat korxonalari va davlat ulushi ≥50% bo‘lganlardan tashqari) — salbiy farq summasi 1 kun ichida tekshiruvsiz qoplab beriladi.