{تعاشب شاي}(2118) القطايف كلها مشتاقة لك!

في وسط زحمة رمضان ، والمحتوى الإعلامي والدرامي ، اللي أغلبه معتمد على كل صنوف الفساد ، على النقيض خالص ، من قيمة وجلال الشهر الكريم..
ومع بحث الناس عن عمل محترم ، كأنهم بيدوروا على إبرة ، في كومة قش مليانة مخدرات ، وجنس ورقص وبلطجة ، وبرامج معتمدة على الفضايح ، وترندات التلقيح والخناقات..
فجأة كده يظهر محتوى خفيف على فيس بوك ويوتيوب اسمه قطايف ، بيقدمه فنان كوميدي ، وهو سامح حسين..
ممثل مش نجم شباك أو نجم صف أول.. و بقاله فترة خافت أو مختفي..
لكن الراجل يقرر يعمل حاجة غريبة جدا.. حلقات دينية.. في رمضان!!! حاجة عمرها ماحصلت قبل كده!.. فالناس ليها حق تستغرب.. دين في رمضان؟.. ايه علاقة الدين برمضان مش فاهم انا؟!!
المهم.. الراجل يقرر يعمل حلقات دينية اجتماعية خفيفة في رمضان.. بإنتاج بسيط و تكلفة بسيطة..
حلقات قصيرة.. دقايق بسيطة.. بكلام بسيط شبه كلام الناس من غير حنيكة ولا تقعر..
و المفاجأة.. الحلقات تضرب.. و الناس تحبها.. و تحقق نسبة مشاهدات عالية..
و لكن لأن فيه ناس كتير قاعدة فاضية في رمضان .. ماعجبهمش ده.. سواء كانوا من المافيا اللي عاوزة تحتكر الكلام في الدين.. أو الناس بتوع خالف تعرف و خلاص.. أو ناس قاعدين فاضيين في رمضان لأن الشياطين متسلسلة.. و يبدو ان الشياطين بقت هي اللي بتصوم في رمضان و الناس لأ..
فنلاقيلك خناقة و حريقة ظهرت من العدم كده.. بتهاجم سامح حسين و البرنامج و بتحفرله في القديم..
ليه يعني ده كله؟

للدعم على Patreon :
  / ahmedbehiry  

اشترك في القناة الرسمية على تليجرام:
https://t.me/ABehiry

الصفحة الرسمية لاحمد بحيري علي الفيسبوك
  / أحمد-بحيري-ahmed-behiry-109415711865636  

الصفحة الرسمية علي تويتر
  / ahmedbehiry  

اشترك في القناة لمتابعة الحلقات الجديدة
http://goo.gl/2KheJZ

المصادر:

أعلم أهل الأرض
http://www.قooقle.com