“Титушка” ақын қазақ қыздарын итке теңеді!Өзі арандатушы болған адам.

“Титушка” зиялының түрі.

Бірер күн бұрын Жазушылар Одағының мүшелері туралы жазба жазған едім, мыңға тарта мүшелердің ішінен Марат Тоқашбаев ағамыз жауап беріпті, ол кісіге ертеңдері жақсылап жауап беремін, әзірге мына бір мүшесі туралы айтайын.

Бақыт Беделхан.
Ақын.
Сосын кім?
Бітті сонымен, азаматтығы нөл.
Азаматтық танытпақ тұрмақ титушка болған адам бұл.
2021-ші жылы қаңтардың 10-шы жұлдызында Парламент сайлауының әділетсіз өтуіне байланысты митингке шықтық, бірақ алаңға жеткізбей арнайы жасақ(СОБР)қоршауға алды, ақ қар, көк мұзда 11 сағат аяқтан суық өтіп қоршауда тұрдық, боксшы Ермахан Ибраимовтың плакат жыртып масқара болатын кезі ғой, кейін ел оны “Нұрмахан” деп атап кетті.
Сол жолы Ермаханнан бөлек марқұм Есенғали Раушанов және осы Бақыт Беделхан да келді Ермаханмен бірге, дұрысы-билік әкелді оларды, сол кездегі қала әкімнің орынбасары болған, жақында дүниеден өткен Ержан Бабақұмаров алып келді, “Тұран” университетінің ректоры Рахман Алшанов пен Абай университетінің ректоры Тахир Балықбаевты да алып келген айтпақшы.
Ермаханның чемпион екеніне қарамастан жиылған жұрт: “Ермахан қарабет”-деп ұрандатқанын көрген соң Беделхан мен Раушанов жақындамады, алыстан қарап тұрды, өлетін жерін білетіндер ғой)))
Егер Ермаханның сөзін тыңдап тұрсақ бұл екеуі де жақындап әдемі сөйлеп біздерді “сабырға” шақыратыны сөзсіз еді, алдымен басынан әбден соққы алған әумесерді жіберіп көрді, қоршауда тұрғандар ешкімді мойындамайтынын түсінген соң жоламады, тек алыстан бақылап тұрды.
Міне сол Бақыт Беделхан кеше сұқбат беріпті, әңгімесінің түрін қараңыз, сол баяғы әйелді төмен қою, кемсіту, “әйел басқа шықты”деп дабыл қағу, байбалам салу, ескі түсінік.
“Жаңа заң қабылдады, енді әйеліңді ұрсаң сотталасың”-деп кейіп отыр Бақыт ақын.

Біріншіден Бақыт Беделхан “шынжырынан босағат ит”-деп қазақ қыздарын айтып отыр, яғни менің анамды, апаларымды, қыздарым мен мен қарындастарымды айтып отыр, бұл парықсыз наданның сөзі.
Елді өлеңімен тәрбиелер ақыныңның сиқы, түр-сипаты осы ағайын, келте ойлы сексист, қырт.

Екіншіден “Отбасы туралы” заңды оқымағаны, естіп алғанын айтып отырғаны анық байқалды, әйелін ұрып-соққан еркек жауапқа тартылатып қоймайды, күйеуін ұрған әйелде жауапкершілікке тартылады.
Бишімбаевтар өріп жүрген қоғамға аталған заң керек еді, өте дұрыс болды.
Өйткені елімізде қаншама әйел баласы теперіш көріп жүр, ит өмір кешіп жатқан қаншама әйел баласы бар.

Елде әйелдер белсенді, наразылыққа шығып талаптарын орындатып жүргендер де нәзік жандылар, еркектер бұқпантайлап өмір сүрген соң әйелдер білек сыбанып шықты, мәжбүр болды.

Елде өзекті қаншама мәселе бар, бірақ Беделхан бет-әлпетін келтіріп алып,образға еніп, күңіреніп сөйлеп, жаны күйзеліп әйелдер туралы айтып отыр, әрине қауіпсіз тақырып қой, көптеген келте еркектерге ұнайтынын анық.
Біздің қоғамдағы осы келте түсінік алдағы 20-30 жылда толық өзгеретініне сенімдімін.

Жалпы біреудің отбасын бұзған адамның отбасы құндылығы туралы айтуға моральдық қақысы жоқ қой.

Абзал Достияр.
20.11.2025-ші жыл.