منير البقمي - ياعسكر البارود - حصرياً 2023

منير البقمي - ياعسكر البارود

العصر روح قبل لا التوديه يجلب روس ذود
ذودً عليها وسم ابوي وجدي الله يرحمه
.
واللي تبا تلعب لي وتعرض علي ام القعود
اللي غلاها نص شعرً ما يبي له ترجمه
.
اطغيتها من عام الاول لين ما صارت هبود
بداوةً على يدين المشترين محرمه
.
مثل ما مكه حارمه على النصارى واليهود
اطهر بقاع الارض بالوحي الشريف مكرمه
.
تنزل الروح الامين ابها وخلق الله شهود
على النبي اللي بدينه داعي الوحي اختمه
.
صلى الله وسلم على روحه الى يوم الورود
الامي اللي كل عالم بالرساله علمه
.
لا جيتها تلقى رجال هذيل وافين الجدود
ترحيبهم براق وسميً نصوبه مردمه
.
ايقنع اللي فيه طيب ويلهم اللي فيه زود
يفرح بهم لا حولوا للسوق جلاب بهمه
.
والمجلس اللي فيه نوج العرف كنه نوج عود
من رفعته ما انته بلاقي في زواياه رخمه
.
ابشر لها تطبيق يبغى للهويه رمز كود
لكن مع الهذلان رمز الجود ولسان كرمه
.
ي عسكر البارود لامالت حدودً في حدود
النار تاكل قلب والا السيف ينطل جمجمه
.
مفاخر دايم تحط العود في عين الحسود
ايعدها اللي وردوه الموت والله سلمه
.
عرين اسود الغاب محميً بطالات الاسود
قولً من التاريخ والتاريخ قاضي محكمه
.
سلام تسليم سوات الرايه اللي فالعمود
ياخذ من العراف والنقاد غال الاوسمه
.
كله لعينا الصاحب اللي دام راسه فالوجود
الطيب في قبضة يده والعرف في منطق فمه
.
قرايح الشعار في مدحه مثل قدح الزنود
اللي يصوغ معلقه واللي يسوي ملحمه
.
بني عمير عيال عمه وابو ثامر بنك جود
اسمه يخدمه والجميل اللي يصوغه يخدمه
.
شاكر منيع الله فعول الاسم في حالة صعود
ياجب على الشعار مع طاريه ربط الاحزمه
.
خوي بيض ايام وان عادت لنا الايام سود
ابشرر بعزك والمه في فمه يوم اكلمه
.
هقوه وهافيها بصدرً ما عرف معنى الركود
اليا دعاه الطيب افحم فكره وخط قلمه
.
يستنزف الابداع سهر العين والعالم رقود
والشاعر اللي قدمه الهذلان يكرب محزمه
.
اخوه رايد شاعرً ربعه هذيل اهل الردود
اليا نظم يغرف بحر وان رد حل المبهمه
.
يوم ارتباط الشعر والهذلان بالعرف معقود
من طب بيت المعرفه ميّز وجود وعدمه
.
خذ من صلافة شعر عنتر عبس في ماض العهود
باخلاق فرسان الجزيره لا لقى البيت وسمه
.
وانا وروح الشعر ماعشنا على طول الصدود
يحتاجني حاجة شجيع يعرف اللي يزهمه
.
يزود بي وانا بدونه ما على شرواي زود
اتعب على حبكه وسبكه واعتلي واقدمه
.
والا انت ي نواف مثل الضلع ترمز للصمود
والضلع يزبن في ذاره ويطرق الغيم قممه
.
مع انك الثابت على مبداه في كل البنود
غيضك يقول لمن جهل ما كل بيضا بشحمه
.
حبيت ابارك له عدد وبلً لبراقه رعود
من خاطرً يحمل من الابداع مالله يعلمه