Ерлан Қошанов елді отыз жылдай басқарған ескі жүйені алғаш рет ашық сынады

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal  
---------------------------------------------
Нұрсұлтан Назарбаевқа Қазақстанды ұзақ жылдар бойы билеуге мүмкіндік берген суперпрезиденттік жүйе елді саяси дағдарысқа ұшыратты. Осылайша, мәжіліс төрағасы Ерлан Қошанов елді отыз жылдай басқарған ескі жүйені алғаш рет ашық сынап отыр. Төменгі палата депутаттары да кейінгі жылдары ел бетпе-бет келген көп мәселеге экс-президенттің жүйесін кінәлады. Өйткені, бар билік бір адамның, бар байлық санаулы ғана олигархтардың қолында шоғырланған. Демек, саяси жүйені жаңғыртып, сан алуан реформаларды жүзеге асыру уақыт талабы дейді халық қалаулылары.
Кейінгі жылдары, әсіресе «Қаңтар қырғынынан» соң қолға алынған, іске асырылып жатқан реформалар жетерлік. Мәселен, құмар ойын, есірткі мен вейп, тұрмыстағы зорлық-зомбылыққа қарсы күрес күшейтілді. Халықтың қарыз жүктемесін жеңілдетуге бағытталған заң жобасы қабылданып отыр. Сондай-ақ, президент бастамасымен ел аумағынан заңсыз шығарылған активтер қазынаға қайтарылып жатыр. Бұл жаңашылдықтар көп істің бір парасы ғана. Бастысы, Үкімет пен Парламенттің арасында теңдік пайда болып, өңірлік мәслихаттардың рөлі артты. Соның арқасында қазақстандықтар елдің саяси өміріне етене араласуға мүмкіндік алып отыр. Десе де, бүгін төменгі палата жиынында экс-президент Нұрсұлтан Назарбаевқа қатысты сын көп айтылды.
ЕРЛАН ҚОШАНОВ, ҚР Парламенті Мәжілісінің төрағасы:
Отыз жыл бойы Қазақстанда суперпрезиденттік басқару формасы қолданылды. Алайда уақыт өте келе, ұзақ жылдар бойы жұмыс істеген модель үлкен саяси дағдарысқа алып келді. Бұған негізінен мемлекетімізге бір ғана адам үстемдік етіп, елдің бар байлығын санаулы адам иеленуі себеп болды. Бұл жайт қоғамның ашу-ызасын туғызды және елдің дамуын тежеді.
Демек, Қасым-Жомарт Тоқаев елді басқару формасын дер кезінде ауыстырып отыр. Ал, жеті жылдық бір мерзім билік құрылымын жаңарту жолындағы нық қадам. Себебі, енді президент жанына топтасқан саяси институттар да, пікір де сан алуан. Депутат Ермұрат Бәпи «кейінгі жылдарды реформалар кезеңі» деп атап, сол игі бастамаларды іске асыруға ескі жүйе өкілдері кедергі келтіріп отырғанын айтты.
ЕРМҰРАТ БӘПИ, ҚР Парламенті Мәжілісінің депутаты:
Ескілердің ерегескен қарсылығы Қаңтардан кейін де дамыл тапты дей алмаймыз. Қазыналық-бюджеттік астаудан қағылған, халықтық мұраға мұртын батыру дағдысына қайтып оралуды аңсаған олардың астыртын айқасы әлі де жалғасып жатыр. Бүгінде олар протестік пиғылдағы қауымдастықты өз қатарына қаратудың жанталасқан қамын жасауда.
Ал, Ринат Зайытов қоғамның қатыгез бола бастауына 30 жыл ішіндегі жоқшылық, таршылық, тәрбие мен үлгі болатын тұлғалардың құбыжыққа айналуы себеп болғанын айтты.
------------------------------------------
Ақтаудағы ұшақ апаты -    • Ақтаудағы ұшақ апаты  
Бишімбаев ісі -    • Бишімбаев ісі  
Су тасқыны бойынша барлық ақпарат -    • Су тасқыны // Төтенше жағдай  
Жұмбақ өлімдер -    • Жұмбақ өлім  
Біз барлық әлеуметтік желідеміз, тіркеліңіз:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
WhatApp - https://whatsapp.com/channel/0029VaDm...
TikTok - https://www.tiktok.com/@informburo31?...
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық