صنهات بن حشر & خالد ال بريك | ياراسي من الدنيا واهلها | ياراسي | حصرياً 2025
Автор: سطام الروقي
Загружено: 2025-01-31
Просмотров: 12963
اشترك في قناة سطام الروقي لتصلك جميع اصداراته الفنيه:
@ulx.77
لطلب التصاميم ونشرها يوتيوب التواصل واتس اب فقط
+966 54 174 7017
حساباتي على التواصل الاجتماعي :
Snapchat: ci.511y
lnstgram: s__tt_m_55
TikTok: ulx.77
--------------------------------------------
كلمات: صنهات ب حشر
آداء: خالد ال بريك
تصميم: سطام الروقي
-------------------------------------------
جميع الحقوق محفوظة
#1_علئ_صفحه_المحتويات_الرائجه_
الكلمات -
على المفرق اللي مفرقه غاية المهموم
هنا الضيق يرحل والسعد ينبلج نوره "
طريقً رسومه باليه لو عليه رسوم "
خطوطه تعاقب والجرر بينت جوره
عن الناس والازعاج والشارع المزحوم
ابا اسج في دارً خليه وممطوره "
من العام والقلب المعنّا عليه وسوم
عسى الروح مع طول المعاناه ماجوره
ياراسي من الدنيا واهلها عداك اللوم
لو تدور دورات الليالي مية دووره
يعاديك راسً ينقصه معرفه وعزوم "
وينصف مقامك من مساعيه مشكوره
حلالي بيبطي مايخالط حلال القووم
ونفسي على اللي فات ماهيب مقهوره
نجامل قليل المعرفه ونعفى ونشوم
لو يقول انا اكبر كارثه واكبر اسطوره
نجوم السماء لايمكن تورد المنجوم
ليا تاه يمكن قلبه ينوش حنجوره "
ياكم كلمةً تطلع ولا تجرح البلعوم "
ومن سمعها كم واحدً تجرح شعوره
على اللي تقوله فالاوادم يجي لك يوم
ليا شفت نفسك من هوا الطيش مغروره
ترا الظالم اللي ماحسب دعوة المظلوم
مصيره يعيش الدور بالصوت والصوره
مخاوف عزيز القوم من طيحة المهزوم
وطيش الشباب يطلع الرجل من طوره
سمحنا من مغازل رموشً تقول سهوم
لو الحب لامر الحشا فورته فوره "
ياخلي خيالك مايخلي لذيذ النوم "
يمر العيون ويترك الحال مستوره
حكمني غرامك وانت لاتجهل المقسوم
على بالك انه حكم [ سلمان ] اخو نوره
ليا اقفيت مانتب من ورا رجعتك ملزوم
رح الله يبارك فيك والنفس مسروره
مانرخي عزايمنا عساك .. تحيا وتدوم "
ليا غبت غبنا .. والمعاذير موفوره "
هممنا تقلطنا على النايف المزموم "
وهاماتنا من والي .. العرش منصوره
انا ذخر قومً فاللقى رمحهم مسموم
وهيباتهم من ماضي الوقت مذكوره
ترانا دعاجين الكرم نصرة المضيوم
نبانا يفض الليل .. ويفض ديجوره
ولدنا على لطم العدا والكرم مفطوم
ورايه يطّلع راعي الشور عن شوره
ماتاقف فعايلنا على سمعة المرحوم
ليا مات طيب كلنا نحتمي دوره
وانا دون ربعي لو يجي فالعلوم علوم
اباهي بهم وافخر على كل معموره
مشاريع دولتنا من طويق لين نيوم
وتصدير نفط الخام من راس تنوره
ومشاريعنا فتح المجالس ونطح القوم
ودون الوجيه تروح الاموال منثوره
عروق المراجل ورثنا والسلوم سلوم
يدينا عن الماجوب ماهيب مبتوره
لكن دق صدرك يابن عيده ودق الحوم
ترا الحر الاشقر مايجنب عن اوكوره
ياغازي ولد غالب بيدك الامر محسوم
اعرفك عدو الضعف والغدر والبوره
شجيعً ماتعرض ذمتك للشرا والسوم
ويمناك منها روس الاموال مهدوره
ياراع الوفاء يالنادر الصارم الزيزوم
زهاك المديح وراية العز منشوره
تبجح ياخو جوزا مدامك سليل قروم
بيدك الامور الصعبه تصير مقدوره
بذلت الجمايل والكرم وزعة الشغموم
يعيش الكفو ويمووت مابين قصوره
يابن غالب اسمك في جبين الفخر مختوم
ولد شايبً بالمرجله طالت شبووره
مذاخير ابن عيده يومن الامن معدوم
منه ترجع جموع المعادين مدحوره
ليا ثارت الهيجا وجاء للعسام غيوم
مراكيضكم تقلع راع الكور عن كوره
ماترجف يديكم من سبب رجفة ام ختوم
لو ان الاصايل تجمح تقول مسعوره "
لاهاب الذليل وصار فالوضع دق خشوم
ياكم فارس من فعلكم ينهشم زوره
Доступные форматы для скачивания:
Скачать видео mp4
-
Информация по загрузке:
