مديح سيف الويسي ومصطفى الويسي | تعنيت الحضرتك واطلب امدادي

تعنيت الحضرتك وطلب امدادي
يسيد احمد خضر كوم ادرك الحادي

تعنيت الحضرته بهيت ابو ارزيج
والالام لبضهري نار من تخرج
وفزعاتك شبه رعد السما وتبرج
واشوشحله بردن والحال مترادي

واشوشحلك يجدي دفزع بهايه
مريدك بالكدر غزلكم الرايه
على الجزار يوم اطلكت خوصايه
دطلك امدادكم من هيت يسنادي

دطلكو امدادكم من هيت ياجدي
على شيخي العليه المرض متعدي
وكال الكم سلام وتاخذه تودي
الك يحمد خضر وتحقق امرادي

الك يحمد خضر متعني هلمره
ازور وانتجي بضهري على كبره
لكم سيف يتنخه يألف ويقره
يبو رزيج اريد تعجل امدادي

يبو رزيج توجينه على اعتابك
نريد امدادكم مو حضرو احبابك
ذرفنه دموعنه كوم افتح ابوابك
يذكرونك شجاع وتلفي من غادي

يذكرونك غضنفر على المنضامي
وركض ضهري عليك يسابك اجدامي
لك ولبن المبارك ننصب اعلامي
اسد هيت المجرب وكت المنادي

اسد هيت المجرب دايس اعدايه
كرامات ونعم تشهد الخوصايه
ابو رزيج عجب متعجل ادوايه
ولا جني حسبكم جاي من غادي

ولاجني حسبكم وانتخي اني
يعيب المالفيتو بيوم المحاني
اذا ماجه الفزع مايمدح الساني
عليكم بعد ماشوشح ولا نادي

عليكم بعد ما امدح ودك دفي
اذا مامش حدا منكم علي يلفي
على تراب الكبر مديتلك جفي
وناطر فزعتك لاتبطي يستاذي

مناطر فزعتك لاتبطي هلنوبه
تره بالتكيه مداحك يدك نوبه
يسيد احمد خضر نخيتك ها يبو الحوبه
هلا بشيخ الحضرلي ولفه من غادي

يبو رزيج ندبتك والسمه مضلمه
نخيت بليل نجمه تناطح بنجمه
بجاه الله ورسوله تنجلي الغمه
وتفرجها علي يارب العبادي

وتفرجها عليه ياربي ياعالي
تره صارت هضيمه دنضر الحالي
يعيب انضام والتكيه لها ارجالي
شماته تكول مايلفون ع الحادي

شماته تكول لاتسري على دربه
واذا بي خير جان يحامي هلكبه
يجاهل هذا امر الله وش ذنبه
وامر الله لا يٌخلف الميعادي

وامر الله نافذ ع الخلك ساري
يحادي تحمد الواحد الغفاري
الجره بشيخي ابد ع الناس موجاري
ولكن مايئس بالله واجدادي

كتب سيف ابن موسى الكم يساداتي
بحق احمد خضر هل بالفزع ياتي
صلاة الله على راع المعجزاتي
شفيعي المصطفى طه النبي الهادي

تاليف : سيف موسى الويسي
تاريخ:2024/11/21