Shihemi në Gjyq - Viktima te te njejtit mashtrim (24 Prill 2022)

#EDielaShqiptare nga #ArditGjebrea prej vitit 2008 në #TvKlan, programi më popullor në të gjitha familjet shqiptare çdo të dielë. Një program i cili përfshin një fashë orari maratonë, prej 6 orësh transmetim.

Leonardi dhe Leonora, ndonëse nuk e njohin njëri-tjetrin dhe takohen në “Shihemi në Gjyq”, janë viktima të një mashtrimi nga i njëjti person. Leonora vendosi që pas vdekjes së bashkëshortit dhe mbetjes vejushë me 8 fëmijë, të largohej për në Greqi duke kërkuar ndihmën e fqinjit të saj, shpjegoi ajo në “E diela shqiptare” në Tv Kllan. Në pamundësi financiare, ajo i ofroi 10 dylymë tokë nga 20 që kishte përfituar në vitin 2001.

Fqinji i zonjës, zoti Arilla Golloshi, një vit pas zhvendosjes së saj në Greqi gjen një blerës për 10 dylymët, i cili ishte vëllai i Leonardit, Vasillaq Mile. Në vitin 2006 Leonardi nënshkruan një deklaratë noteriale me të vëllain ku pranon kalimin e disa metrave katrorë tokë. Por rezulton që Vasillaqi nuk ka jetuar në fshat, por në qytet dhe dokumentacioni nuk është i vërtetë. Nga kërkimet e Leonardit, del që pronarja origjinale e tokës është zonja Leonora që ai ka thirrur në seancën e ndërmjetësimit.

Eni Çobani: Ftoj edhe një herë zyrën vendore të Fierit, me të cilën kemi një bashkëpunim të shkëlqyer gjithë këto vite, me dokumente të cilat mua më ndodhen, jo të plota, sigurisht me aq sa Leonardi më ka prurë, me aspak dokumenta të zonjës, çuditërisht, nuk ka as aktin e marrjes origjinale sepse ia ka marrë Arilla Golloshi për të bërë veprimet të tjera, ju lutem, duam të shikojmë nga afër regjistrin e dokumentuar dhe administruar nga zyra vendore Fier për pronarin sot që është bërë me certifikatë pronësie, zotin Arilla Golloshi. Nëse zoti Arilla ka marrë këtë pronë me këto kufizime të cilat m’i ka sjellë zoti Leonard…

Ardit Gjebrea: Arilla i ka shitur?

Eni Çobani: Jo, Arilla 6 dylymë i ka vetë, 6 i ka zotëria dhe 13 i ka vëllai juaj?

Leonora: 14, se 1 dylymë e ka tjetri, po këta 13 kanë marrë.

Eni Çobani: Pra është bërë një kasaphanë me pronën. Leonard, edhe ju jeni shumë vonë, është viti 2022, tani si duket nuk flet as me vëllanë ti se e zbulova edhe këtë pak a shumë. Flet me vëllain?

Leonard: Flasim, por problemi është që nuk zgjidhim dot gjë.

Eni Çobani: Do dalim te origjina e pronës. Prona do kalojë njëherë në emër të kësaj zonjës dhe të të gjithë anëtarëve të familjes bujqësore. Pastaj do shikojmë si e ka marrë Arilla Golloshi, si e ka regjistruar zyra vendore Fier, kush kanë qenë njerëzit që kanë ndihmuar të bëhet kjo paligjshmëri dhe të gjitha këto do të shkojnë pranë organeve kompetente. 20 dylymë tokë nuk mund të merren, zoti Arilla, ju lutem më mirëkuptoni për këtë indinjatë të thellë që kam jo vetëm ndaj jush, por ndaj kujtdo që luan me fatet e njerëzve në këtë formë. Një grua me 8 fëmijë e keni lënë sot që asnjëri prej tyre nuk i flet, është e palogjikshme dhe e pamëshirshme. Kërkoj edhe njëherë bashkëpunimin e organeve kompetente të qytetit të Fierit.

Leonard: Ju jap të drejtë zonja Eni, por këtu vetëm për zonjën fole. Unë të shkoj ta prish shtëpinë?

Eni Çobani: Ti e ke me certifikatë shtëpinë.

Leonard: Po ç’e dua, në mes të këtyre?

Eni Çobani: Shtëpinë do ta mbash, do ta gëzosh, atë dosjen që e kishe me emrat e fëmijëve më ke prekur, tregon që je një familjar i shkëlqyer dhe bravo të qoftë, por edhe njëherë po të them: je kujtuar vonë./tvklan.al



SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tvklan mund t’i ndiqni edhe në faqen https://tvklan.al/programe/