ဇွန်လ ၂၄ ရက်နေ့ နောက်ဆုံးရ ဘောလုံးသတင်းများ | Laters Football News Of 24th June 2025

မန်ချက်စတာယူနိုက်တက်ပရိသတ်တွေဟာ လူငယ်ကြယ်ပွင့် ဂါနာချိုရဲ့ အွန်လိုင်းပေါ်က Post တစ်ခုကြောင့် ဒေါသပေါက်ကွဲနေပြီး ဂါနာချိုကို အသင်းကနေ ထွက်သွားဖို့ တောင်းဆိုခဲ့ကြပါတယ်။
အသက် ၂၀ သာရှိသေးသူ အာဂျင်တီးနားတိုက်စစ်ကစားသမား ဂါနာချိုဟာ နည်းပြအမော်ရင်နဲ့ဆက်ဆံရေး အဆင်မပြေဖြစ်နေပြီး အမော်ရင်က သူ့ကို အခုနွေရာသီအတွင်း အသင်းသစ်ရှာဖွေဖို့ ညွှန်ကြားထားပါတယ်။
ဂါနာချိုဟာ ပြီးခဲ့တဲ့ရာသီ ပရီးမီးယားလိဂ်မှာ ၆ ဂိုးသာ သွင်းယူနိုင်ခဲ့သလို ယူရိုပါလိဂ်ဗိုလ်လုပွဲတုန်းက ပွဲထွက်ကစားခွင့် မရခဲ့တာကြောင့် အမော်ရင်နဲ့ ပြဿနာတက်ခဲ့တာဖြစ်ပါတယ်။
ဂါနာချိုအနေနဲ့ ကလပ်အသင်းသစ်မှာ ကစားသမားဘဝသစ်တစ်ခု စတင်ဖို့ရှိနေပြီး သူ့ကို ခေါ်ယူဖို့ ပရီးမီးယားလိဂ်ပြိုင်ဘက် ချယ်လ်ဆီး၊ စီးရီးအေထိပ်သီး နာပိုလီအသင်းတို့က စိတ်ဝင်စားနေကြပါတယ်။
အခုလောလောဆယ်မှာတော့ ဂါနာချိုဟာ အားလပ်ရက်အပန်းဖြေခရီးသွားနေပြီး စပိန်နိုင်ငံက အက်ဘီဇာကျွန်းကို ရောက်နေချိန်အတွင်း အငြင်းပွားစရာ ဓာတ်ပုံတစ်ပုံကို လူမှုကွန်ရက်ပေါ်မှာ Post တင်ခဲ့ပါတယ်။
ဂါနာချိုက ယူနိုက်တက်ရဲ့ ပရီးမီးယားလိဂ်ပြိုင်ဘက် အက်စတွန်ဗီလာအသင်းဂျာစီကို ဝတ်ဆင်ခဲ့သလို ပိုဆိုးတာက အမော်ရင်နဲ့ပြဿနာတက်ပြီးတော့ အက်စတွန်ဗီလာအသင်းဆီ အငှားနဲ့ရောက်ခဲ့တဲ့ ရပ်ရှ်ဖို့ဒ်ရဲ့ ကျောနံပါတ် ၉ ဂျာစီ ဝတ်ခဲ့တာဖြစ်ပါတယ်။
အဲဒါကြောင့် ယူနိုက်တက်ပရိသတ်တွေက 'ငါတို့အသင်းကနေ ထွက်သွားလိုက်တော့ . . '၊ 'ကလိမ်ကကျစ်ကောင် . .'၊ 'အဲဒါကြောင့် ယူနိုက်တက်မှာ အသင်းကို တကယ်ချစ်တဲ့ကစားသမားတွေနဲ့ ပြန်လည်ဖွဲ့စည်းဖို့ လိုအပ်နေတာပဲဖြစ်ပါတယ်'လို့ အွန်လိုင်းမှာ ဝေဖန်ရေးသားခဲ့ကြပါတယ်။

ဂါနာချိုက ဗီလာအင်္ကျီဝတ်ထားတဲ့ပုံကို IG မှာတင်တယ် ( Rashy ဂျာစီမို့ တင်တာမဟုတ်ဘူးနော် ၊ တမင်သပ်သပ်ကို တင်ထားတာ)
ရက်ရှ်ဖို့ဒ်က ဘာစီကိုပြောင်းချင်တဲ့အကြောင်း ဟန်တောင်မဆောင်နိုင်ဘဲ အင်တာဗျူးတွေမှာ ပြောတယ် ၊
ဆန်ချိုက ယူနိုက်တက်မှာ မနေချင်ပေမယ့် တခြားအသင်းကို ပြောင်းဖို့ကို လစာ နည်းနည်းလေးတောင် လျှော့မယူနိုင် ။
အသင်းအပေါ်မှာ အရမ်းကို Respect ရှိကြတဲ့ ကစားသမားတွေပေါ့။ ဒီလို စိတ်ဓာတ်နဲ့ ကစားသမားတွေကို ယူနိုက်တက် ပရိတ်သတ်တွေဟာ အားကိုးပြီး အိပ်မက်တွေမက် ၊ စိတ်ကူးတွေယဥ်ခဲ့ကြတာ။ ပြောရရင် ဒီမာရီယာတောင် အသင်းက မထွက်ခင်အချိန်ထိ အသင်းအပေါ် အဲလောက် Respect မမဲ့ခဲ့ဘူး။
တချို့ပရိတ်သတ်တွေဆိုရင် ဒီကစားသမားတွေကို ရောင်းထုတ်ရကောင်းလားဆိုပြီး နည်းပြကို ဝေဖန်ဆဲဆိုနေကြတာက ရှိသေးတယ်။
အသင်းဖက်ကရော သူတို့အပေါ်မှာ Respect ရှိလို့လားဆိုရင် အသင်းဖက်ကရော နည်းပြဖက်ကပါ အခုချိန်ထိ ဒီကစားသမားတွေအပေါ်မှာ မလိုအပ်တော့လို့ မသုံးတာကလွဲရင် ဘာမှ အမှားတစုံတရာ မလုပ်ခဲ့ဘူး။ နောက်ဆုံး ရက်ရှ်ဖို့ဒ် နဲ့ ဆန်ချိုကို အသင်းမှာ မသုံးပေမယ့် အခြားအသင်းတွေကို အငှားချပြီးတောင် ကစားခွင့်ပေးခဲ့တာ။ ဂါနာချိုဆိုရင် နည်းပြရော အသင်းကပါ တခါမှ ချောင်မထိုးထားခဲ့ဘူး။
ယူနိုက်တက် Revolution မှာ ဒီလိုကစားသမားတွေကို အရင်ဆုံးရှင်းထုတ်နိုင်ခြင်းဟာ အကောင်းဆုံး ခြေလှမ်းအစပဲ ဖြစ်လိမ့်မယ်။
မန်ချက်စတာယူနိုက်တက်အသင်းဟာ ဘရန့်ဖို့ဒ်တိုက်စစ်ကစားသမား အမ်ဘူမိုကို ပေါင်သန်း ၆၀ ကျော်နဲ့ ဒုတိယအကြိမ်မြောက် ကမ်းလှမ်းလိုက်ပြီဖြစ်ပါတယ်။
ယူနိုက်တက်အသင်းဟာ အမ်ဘူမိုအတွက် ပေါင် ၅၅ သန်းနဲ့ ပထမအကြိမ်ကမ်းလှမ်းမှုကို ဘရန့်ဖို့ဒ်အသင်းက ပယ်ချခဲ့ပြီး အမ်ဘူမိုကို ဘရန့်ဖို့ဒ်နည်းပြဟောင်း သောမတ်စ်ဖရန့်ခ်ရဲ့ စပါးအသင်းနဲ့ နယူးကာဆယ်တို့ကလည်း အပြိုင်စိတ်ဝင်စားနေကြပါတယ်။
အသက် ၂၅ နှစ်အရွယ်ရှိပြီဖြစ်သူ ကင်မရွန်းလက်ရွေးစင် အမ်ဘူမိုဟာ အခုနွေရာသီအပြောင်းအရွှေ့အတွင်း အမော်ရင်ရဲ့ နံပါတ် ၁ ဦးစားပေး ပစ်မှတ်ဖြစ်နေပြီး အမော်ရင်ဟာ ပြီးခဲ့တဲ့ရာသီက ပရီးမီးယားလိဂ်မှာ ၄၄ ဂိုးသာ သွင်းနိုင်ခဲ့တဲ့ တိုက်စစ်ပိုင်းကို အားဖြည့်မှုတွေပြုလုပ်ဖို့ ဆန္ဒရှိနေပါတယ်။
ယူနိုက်တက်အသင်းဟာ အမ်ဘူမိုကို ပြောင်းရွှေ့ကြေး ပေါင် ၄၅ သန်း၊ add-ons ကြေး ပေါင် ၁၀ သန်းနဲ့ စတင်ကမ်းလှမ်းခဲ့ပေမဲ့ ဘရန့်ဖို့ဒ်အသင်းက သူတို့ကစားသမားအတွက် မြင့်မားတဲ့ပြောင်းရွှေ့ကြေး လိုချင်တာကြောင့် ပယ်ချခဲ့ပါတယ်။
အမ်ဘူမိုရဲ့စာချုပ်က ၁ နှစ်သက်တမ်းသာ ကျန်ရှိတော့ပြီး ယူနိုက်တက်အသင်းကတော့ ဇူလိုင် ၇ ရက်မှာ စတင်ပြုလုပ်မဲ့ ရာသီကြိုလေ့ကျင့်ခန်းအစီအစဉ်မတိုင်ခင် အမ်ဘူမိုကို အရခေါ်သွားဖို့ မျှော်လင့်နေပါတယ်။
ယူနိုက်တက်အသင်းဟာ အမ်ဘူမိုအပြင် ချယ်လ်ဆီးတိုက်စစ်ကစားသမား အန်ကွန်ကူကိုလည်း ခေါ်ယူနိုင်ဖို့ အခွင့်အရေးရှိနေပါပြီ။ အမော်ရင်ဟာ တိုက်စစ်ပိုင်း ပြဿနာကို ရှေတိုဖြေရှင်းဖို့အတွက် ပြီးခဲ့တဲ့ဇန်နဝါရီလတုန်ုးက အန်ကွန်ကူကို ခေါ်ယူဖို့ စဉ်းစားခဲ့ဖူးပါတယ်။
အခုအချိန်မှာ ချယ်လ်ဆီးအသင်းက အန်ကွန်ကူကို ရောင်းထုတ်ဖို့ အသည်းအသန် ကြိုးပမ်းနေပြီး အန်ကွန်ကူရဲ့အေးဂျင့်တွေကလည်း ယူနိုက်တက်နဲ့အပြောင်းအရွှေ့ဖြစ်မြောက်အောင် ဆောင်ရွက်နေကြတယ်လို့ ဗြိတိန်သတင်းစာ The Sun က ဖော်ပြခဲ့ပါတယ်။
ချဲလ်ဆီး သတင်းထောက် မတ်လော ပြောကြားချက်အရ အသင်းနဲ့ မန်ချက်စတာယူနိုက်တက် အသင်းတို့ဟာ ဂါနာချို နဲ့ အန်ကွန်ကူ ကိုအလဲအလှယ်ပြုလုပ်သွားဖို့ စဥ်းစားနေကြောင်း သိရပါတယ်။ ကစားသမား နှစ်ဦးစလုံးကလည်း သက်ဆိုင်ရာအသင်းကနေထွက်ချင်နေကြသလို အသင်းဘက်ကလည်း ရှင်းထုတ်နိုင်မယ့် နည်းလမ်း စဥ်းစားနေကြတယ်လို့သိရပါတယ်။
တကယ်သာဆိုရင် အားလုံးအတွက် WIN-WIN လို့မြင်တယ်။ ချဲလ်ဆီး အသင်းဘက်ကလည်း မသုံးတော့မယ့် အန်ကွန်ကူ ကိုရှင်းထုတ်နိုင်သလို မန်ယူကလည်း အသင်းမှာမလိုအပ်တော့တဲ့ ဂါနာချို ကိုရှင်းထုတ်နိုင်ခဲ့တယ်။ ကစားသမားကလည်း အသင်းကနေထွက်ချင်နေကြတာဆိုတော့ အားလုံးအဆင်ပြေတဲ့ အပြောင်းအရွှေ့ တစ်ခုဖြစ်လိမ့်မယ်။
#football #soccer #premierleague #uefa #myanmarfootball #ဘောလုံးသတင်းတို #kokhantxthefootballshow #ukmatchday