දෙවන ලෝක යුද්ධය සලිත කළ රුසියානු ප්‍රහාරක සබ්මැරීනය | Exploring Russia 🇷🇺 | රුසියාවේ දොළොස්වැන්න

මම කසුන්. planet 361 stories channel එකේ. ඔයාලා ගොඩක් දෙනෙක් මාව අදුනගත්තෙ මගෙ Video game analysis and news channel එක වන @Planet361 නිසා. ඉතින් මම මේ planet 361 stories channel එක හදන්නෙ මගෙ ජීවිතේ විශේෂ දේවල් ඔයාලත් එක්ක බෙදාගන්න. මගෙ ජීවිත කතාව මේ තරම් දුර ආව ගමනෙ ලැබුණ අත්දැකීම් වලින් මේ ගමනම එන්න බලාගෙන ඉන්න අයව ධෛර්යමත් කිරීම තමයි ඒකෙ අරමුණ.

ඒ වගේම මට ලොකු ඉලක්කයක් තියනවා මැරෙන්න කලින් ලෝකයේ රටවල් 100ක සංචාරය කරන්න. අන්න ඒ ගමන්වල අත්දැකීම් ඔයාලත් එක්ක බෙදා ගන්න එක සහ ඔයාලටත් ඒ වගේ ඉලක්කයක් තියනවනම් ඒකට උදව් කරන එකත් මේ planet 361 stories වල අරමුණක්.

ආසියාවේ රටවල් ගණනාවක සංචාරයකින් පස්සේ, මම මගේ 11 වෙනි රට විදියට තෝරගත්තේ රුසියාව (Russia). නැගෙනහිර යුරෝපයටත්, ආසියාවටත්, ඇමරිකාවටත්, බෝල්ටික් මුහුදටත් මායිම්වෙලා තියෙන ලෝකයේ ලොකුම රටට යන්න මම සැලසුම් කලේ අවුරුද්දකටත් වැඩි කාලයක ඉඳන්. සිංගප්පූරුවේ Changi International Airport එකේ ඉඳලා Dubai හරහා මොස්කව් වලට ආව මම රුසියාවෙ දවස් 13ක් ගතකරන්න බලාපොරොත්තු වෙනවා. ඒ කාලය ඇතුලේ මොස්කව් වගේම රුසියාවෙ සුන්දරම නගරයක් වන Saint Petersburg වල සංචාරකටත් ඔයාලව එක්කගෙන යන්න මම බලාපොරොත්තු වෙනවා. රුසියාවෙ ඉතිහාසය, විශේෂයෙන් දෙවන ලෝක යුද්ධය ගැන, වර්තමානය වගේම අනාගතය ගැනත් ගොඩක් දේවල් මේ ගමනෙදි අපට කතාකරන්න පුලුවන්.

1939 සැප්තැම්බර් පළමුවෙනිදා ජර්මානු නායක ඇඩොල්ෆ් හිට්ලර්ගේ මෙහෙයවීමෙන් ස්වස්තික ධජ දැරූ නාසි හමුදාව විසින් පෝලන්තය ආක්‍රමණය කිරීමත් එක්ක, එදා මෙදා තුර ඉතිහාසයේ පැවති ම්ලේච්ඡතම මහා සංග්‍රාමය ආරම්භ වෙනවා. මෙතැනින් නොනවතින නාසීන් යුරෝපාකරයේ නැගෙනහිරට යමින් ලක්සම්බර්ගය සහ බෙල්ජියම හරහා ප්‍රංශයට ඇතුළු වෙමින් ප්‍රංශය අත්පත් කරගන්නෙ, මිත්‍ර පාක්ෂික හමුදාවන් ඩන්කර්ක් වෙරළ තීරයෙන් ඉංග්‍රීසි ඕඩය හරහා බ්‍රිතාන්‍යයට පළවා හරිමින්. මේ වෙද්දි නාසීන් එක්ක එකතුවුණ ඉතාලියානුවන් අප්‍රිකානු මහද්වීපය ආක්‍රමණය කරමින් උතුරු අප්‍රිකානු පෙරමුණත්, ජපානය පැසිෆික් සාගරය හරහා නාවුක ආරක්ෂක වැටක් නිර්මාණය කරමින් පැසිෆික් යුද පෙරමුණත් නිර්මාණය කරල තිබ්බා.
මේ විදියට තුන් පැත්තකින් තමන්ගෙ ආක්‍රමණය දියත් කරන අක්ෂ හමුදාව, නැවතත් තමන්ගෙ නැගෙනහිර යුරෝපා පෙරමුණ සක්‍රීය කරන්න තීරණය කරන්නේ, එකල ලෝකයේ බලවත්ම හමුදාවකින් ශක්තිමත් වුණ සෝවියට් සමූහාණ්ඩුවට පහර දෙමින්. 1941 ජූනි විසි දෙවෙනිදා එතෙක් දෙවන ලෝක සංග්‍රාමයේ විශාලතම ආක්‍රමණශීලී මෙහෙයුම වුණ බාබරෝසා මෙහෙයුම ක්‍රියාත්මක කරමින් සෝවියට් දේශයේ ලෙනින්ග්‍රෑඩය වටලන්නට නාසීන් ක්‍රියා කරනවා. එතැන් පටන් දින 900ක් ලෙනින්ග්‍රෑඩය අල්ලාගන්නට නාසීන් උත්සාහ දැරුවත්, සෝවියට් බිමේ උපන් අයෝමය මිනිසුන්ගේ ශක්තිය ඒ උත්සාහය අභිබවා යන්නට සමත් වෙනවා.

බාබරෝසා මෙහෙයුමෙන් නොනැවතුන නාසි හමුදාවෝ ඉන් මාස තුනහමාරක් ඉනික්බිති සෝවියට් දේශයේ අගනගරය වුණ, යුරෝපයේ විශාලම ජනාවසය වූ මොස්කව් වලට පහර දෙන්නේ සෝවියට් හමුදාවේ බලය ලෙලින්ග්‍රෑඩ් කේන්ද්‍රයෙන් ගලවා ගැනීම සඳහායි. නමුත් ජනපති ජෝශප් ස්ටාර්ලින්ගේ මගපෙන්වීමෙන් සෝවියට් රතු හමුදාව මෙහෙයවූ අභීත ජනරාල් ජෝර්ජී ශුකොව් රුසියානු භූමියේදී නාසීන්ව අන්ත පරාජයකට ලක්කරන්නට සමත් වෙනවා. දෙවන ලෝක යුද්ධයේ පළවෙනි වතාවට ආක්‍රමණශීලී මෙහෙයුමකින් හිස් ලූ ලූ අත දිවයන්නට අක්ෂ හමුදාවට සිද්ධ වෙනවා. මෙයින් ඔද වැඩුණු රතු ලේ වලින් නැහැවුණු සෝවියට් රතු හමුදාවෝ දෙවන ලෝක යුධ ඉතිහාසයේ පළවෙනි ප්‍රහාරාත්මක මෙහෙයුම දියත් කරමින් මුල්ම ජයග්‍රාහී පියවර ඉදිරියට තබනවා.

මොස්කව් වලදී අහිමිවූ තමන්ගේ අභිමානය නැවත සොයායන්නට ඇඩොල්ෆ් හිට්ලර් තීර්ණය කරන්නෙ සෝවියට් බිමේ වඩාත් දකුණින් පිහිටි මර්මස්ථානයක් වූ ස්ටාලින්ග්‍රාඩයට පහර දෙමින්. මෙය සෝවියට් සටනටත් වඩා දුක්ඛදායී ප්‍රතිඵලයක් නාසීන්ට අත්පත් කරදෙන්නේ දෙවෙනි ලෝක යුද්ධයේ ඔවුන්ගේ ජයග්‍රාහී රැල්ල සම්පූර්ණයෙන් කණපිට හරවමින්. මෙයින් පසුව සෝවියට් රතු හමුදාවට ආපසු හැරීමක් තිබ්බේ නෑ. ඔවුන් නාසීන්ව තමන්ගේ නිජභූමියටම පළවා හරින ජයග්‍රාහී ගමන මෙතැන් පටන් ආරම්භ කරනවා.

මේ ගමනේදී රුසියානු නාවුක හමුදාවේ දස්කම් අද්විතීයයි. එයට ප්‍රධාන හේතුවක් වුණේ ඔවුන්ගේ සබ්මැරීන් බලය. මුහුද යටින් ගොස් අධිබලැති ටෝපිඩෝ ප්‍රහාර එල්ල කරමින් සතුරාව දණගැස්වූ රුසියානු සබ්මැරීනයක් බලන්නයි අද අපේ මේ සූදානම

එහෙනම් අපි මෙතනින් එහාට ලෝකය ගවේෂණය කරමු. ඒ ඔයාට මේ ලෝකය පේන අංශක 360 ඇතුලෙ නෙමේ, ඒකෙනුත් එහාට ගිහින්. අපි ඔයාලට නොපෙනෙන ලෝකය පළවෙනි අංශකයේ ඉඳලම පෙන්නන්නවා. ඒ කියන්නෙ අපි planet 361 stories එක්ක අංශක 361න් පටන් ගමු. ජයවේවා.

#planet361 #russia #රුසියාව #wwii #submarine #2025