حفل البويصم ال جابر | كلمات عبدالرحمن بن سحيم | أداء ناصر الطويل | (حصرياً) 2022

.
.
اشترك وفعل التنبيهات في قناة حمد البويصم الرسمية
للحصول على أحدث إصداراته الفنية
‏https://cutt.us/bSX4h


ـ
حفل زواج : جابر بن عويضه البويصم
كلمات : عبدالرحمن بن سحيم
أداء : ناصر الطويل
تصميم : حمد البويصم

__

كلمات -

اسر يا ليل دام الجو عاده خيالي
لا يشاليك يوم اني دياري بعيده
كل ما طفّلت شمس العصر راق بالي
عندي انها على المسرا تزين القصيده
لا يعدون نقّاد القصيد انشغالي
جايبً في حفيد صليخ عصماً جديده
ما يعايش غزارتها الغشيم المعالي
قوّها ما يخلّيها تسمّى نشيده
اعطي البيت حقّه في زحول الرجالي
و الردي ما يهمّه و السنافي يزيده
و انا لو شرّفت بقعا و عدّت قبالي
ما تنحّيت لو اني عذاري سديده
و اسم خيالة القرما كرام السبالي
دونه اسم البويصم واسم اخيه الفقيده
مرحبا بـ البعيد و مرحبا بـ الموالي
في محلً من يمالح هله عاد عيده
الشحم يسبق المدخن وصفر الدلالي
من علايم صليخ اللي غدت فالعقيده
كلنا فيه دجّاره و سادة معالي
حتى انا لا طرا طاري صليخً حفيده
شايبً يذبح المفرود مبطي و تالي
لين مات وتواصينا بـ سلمه و جيده
من بني عمي اللي فعلها ما يزالي
ثابت فـ الزمن مثل اثبتان الوتيده
لاد بن مقلم اللي يحتمون التوالي
يوم عاد الليالي بالوقايع .. عهيده
لاغدا للخيول المسرجات اجتوالي
فعلها يعطي السرحان ملوة رصيده
والجنوبي من الحدّان و لّا الشمالي
دونه السيف توميبه يمين الوليده
وان وردنا على العد القراح الزلالي
سلم و السلم صبيان الجابر قويده
صلب جدي ذرى يبرين من كل صالي
يوم عاد العرب كنهم مع بطن سيده
غرسها .. امّا منيحة عود ولا موالي
ما غرسناه لاجل نشوف ربّي يزيده
وان فرشنا حدور الخيل حمر الزوالي
حقّنا و القبايل حقّها ما نبيده
تفرح بنا الفروع اللي تعد الليالي
لا غزينا وجيناها بـ علم و قصيده
جمعنا لا التقى الجمعين يوم القتالي
البدً يخلف العدوان هدّة عقيده
ردّها فـ ام الاثله والحصا والرمالي
كسرة البيرق اللي في نهار الطريده
في نهارً على العدوان شر و زوالي
من تلقّى السلامه فيه عوّد بفيده
هذي فعولنا و فعول عمّي وخالي
سيرةً ما فنت ماهيب صفحة جريده
والكلام الحماوي و القبال الهلالي
عادةً والله ان ماهيب فينا جديده :)