粤曲 《金生挑盒之执手巾》 - 白驹荣、倩影侬

粤曲 《金生挑盒之执手巾》 - 白驹荣、倩影侬 合唱

商华亭 - 喉管、李卓 - 洋琴、陈官谦 - 梵铃、冯远怀 - 结他 拍和
省港胜利 模版/唱片编号: 56282A/B,56283A/B

曲词:

(其一)
（小生白）呢条手帕够香啩？书僮。
（书僮白）呢，俾我索索添，相公。
（小生白）咪拘，俾您再索，重有剩嘅。真香咯。
（小生唱二簧）呢种究竟系桂花香？或玉兰香？定系茉莉香？抑或系木樨香？
（花旦唱二簧）系啦，失咗条花手巾，香手帕，谁人执到好出声啦，唔系我禀官府，要您虱乸都要担枷。
（小生白）其味无穷皆化学也。
（花旦白）衰啦，又俾嗰单索油友执到添，问亲佢攞，梗滋油嘅啦，等我唱两句嘢嚟夸番佢返出嚟至得。
（花旦唱木鱼）穿山甲，过深山。
（小生白）有嘢听。
（花旦唱木鱼）高山流水响潺潺。广西有个留人洞；广东有个望夫山。嗰边有只花毛狗，点解佢有街唔去？站在桥头。
（小生白）啊，夸我添，妳衰啦，同妳斗过至得。
（小生唱木鱼）今日无事桥头，来打坐，有个卖俏丫环，学唱歌，妳既有真心来想我。
（花旦白）死呀。
（小生唱木鱼）等我带妳回家，做一个契家婆。

(其二)
（花旦白）啋，衰鬼，又唱得几好听噃，又学下佢唱至得。
（花旦唱木鱼）今日在桥头，来打坐，有个卖俏丫环，学唱歌，您若有真心，来想我，等我带您回家，做个………
（小生唱木鱼）契家婆好过炖肥鹅。
（花旦白）啋，契…契…契乜嘢呀？
（小生白）妳又话我花…花…花乜嘢呀？
（花旦白）花乜嘢呀？花毛狗啰。
（小生白）妳有契家婆啰。
（花旦白）花毛狗；花毛狗。
（小生白）契家婆；契家婆。
（花旦白）至衰都系唔够佢夸嘅，攞番条手巾罢啦，喂，嗰个佬呀。
（小生白）喂，嗰个婆呀。
（花旦白）发鸡盲，叫人做 "婆"。
（小生白）妳发青光，叫人做 "佬"呢又。
（花旦白）您男儿，唔系 "佬"咩？
（小生白）妳女人，唔系 "婆"咩？
（花旦白）唔同您讲咁多噃，畀番条手巾嚟啰。
（小生白）乜话？妳跌手巾咩？
（花旦白）手巾。
（小生白）条手巾系妳嘅咩？
（花旦白）系我哋小姐嘅，畀番嚟啦。
（小生白）咪郁手，唉吔，想抢添呀，妳太冇规矩，妳既有求于人，应该要请益下称呼下人，同人倾下偈，接洽下，联络下啲感情，咁至得了嘛，喂…喂声；佬…佬声，边个畀过妳？
（花旦白）我哋啲的大家妹仔，唔惯称呼人呀。
（小生白）大家妹，唔惯称呼人？
（花旦白）好话啦。
（小生白）太冇教育，等本少教妳。
（花旦白）咁叻？
（小生白）好话。
（花旦白）话啦。
（小生白）听住，妳话："您系几少呀？吓？","您是否执到我条手巾呀？","系就唔该您畀番我啦。"咁我就俾番妳。
（花旦白）冇您咁潮气。
（小生白）唔使潮气，姣姣地得啦。
（花旦白）唉吔，我唔识得。
（小生白）随你噏嘞无所谓
（花旦白）咁呀，听住，您系几少？是否执我条手巾呀？系就唔该您畀番我啦。
（小生白）系呀，妳叫乜姐呀？
（花旦白）唉吔，咪咁衰啦，点解又问个名啫？
（小生白）所谓称呼，请益呀嘛，礼也。
（花旦白）礼也，分明淹尖。
（小生白）妳讲，我畀番妳。
（花旦白）讲咗就要畀番，吓。（介）听住啦，我叫做 "桂香姐"咁话啦。
（小生白）咁妳哋小姐呢？

(其三)
（花旦白）冇您咁衰呀。
（小生白）点解又衰至得?？
（花旦白）点解问完一个，又一个，我哋小姐个名，唔话人听嘅，我哋老爷做官?。
（小生白）做乜嘢官？咁猛呀又？
（花旦白）讲出嚟，吓坏您。
（小生白）未俾人吓过。
（花旦白）讲您听呀，一品当朝；二品顶戴；三元及第；四代同堂；五子登科；六部尚书；七扶八插；九门提督；十赐钦差，咁话啫，猛唔猛？
（小生白）当妳第九呀，我讲我个死鬼老豆重吓坏妳。
（花旦白）您老豆点猛法？打更?？
（小生白）打更呀，讲妳听，我老豆当日由两榜出身，出使东洋，返嚟封到 "黑黑巴图鲁"，御赐龙头大菜刀，不论灶虾、蛭游、芝麻、绿豆，先斩后奏，署理三江总督。
（花旦笑介白）好心咪讲出嚟笑死人呀，原来你老豆做伙官嘅。
（小生白）混账，我老豆做武官嘅，话畀妳听当日芝麻、绿豆官，可以先斩后奏，呢的系比话，妳唔识嘅啫。
（花旦白）唔同您讲咁多，畀番条手巾嚟啦。
（小生白）我又同妳讲咩，边个同妳讲老爷架势，总之妳讲出小姐个名我就畀，唔系就唔畀。
（花旦白）啋，真恶死啦，呢单嘢，嗱，听住啦。
（小生白）讲就送番妳。
（花旦唱木鱼）久闻素仰我哋朱家女，凤鸣小姐，就系我哋姑娘。
（小生唱木鱼）唉吔，我都叮咚；叮咚；叮咚；叮咚棍；唉吔，嚟啦；嚟啦；嚟啦。
（花旦慌叫介）唉吔。
（小生白）乜嘢呀的？发起个茅。
（花旦白）乜您咁吓人哋?，您做乜嘢呀您？
（小生白）我哋欢喜啫，我以为妳整乜嘢，妳唔使惊，唔该妳送番去，若果小姐问妳，至紧要讲十五岁京府案首入学，金英才送番畀佢咁话。
（花旦白）原来秀才公嘛。
（小生白）系定啦，唔系妳得罪秀才，问打。
（花旦白）系呀。
（小生白）乜妳好似乡里咁声？
（花旦白）系啦。
（小生白）妳系边处？
（花旦白）我系鸡州?，您呢？
（小生白）妳系鸡州?，乡里嚟，我哋大良?，妳有番去乡下冇？
（花旦白）冇呀，您呢？
（小生白）有定啦，我正话今年番去行，清分肥肴
（花旦白）系吓？
（小生白）得闲请来我处坐，请咯，请咯，真好咯。

(其四)
真系俏妙，夹销魂咯。
（小生唱中板）嗰两位佳人，都的确系……确系销魂夹俏皮。呢佢嗰一种，眉梢目语，真可人儿。嗰一个芙蓉面，还胜过，当初个贵妃，咁嘅肉地。娜娜娜蛮腰，扭一扭，真正举步，确系娇姿。
（小生唱滚花）说话之间，弊啦，乜觉得周身唔似，一定风寒打倒，唉吔，我都难以支持。