Lambha Zirab Ishkar | Singer: Mir Ahmed Baloch | Poet: Chakar Zehri

Live Aashobi Deewan

Song: Lambha Zirab Ishkar

Singer: Mir Ahmed Baloch

Poet: Chakar Zehri

Mix & Master By: Mehr Yaar Baloch


لمبہ زِراب اِشکر خاخر تے سد سلام ئے
ڈیھ آ فدا مروکا دِلبر تے سد سلام ئے

لالی ننا سگار اس شیر آ کماندار  اس
مستونگ نا مار احکام دشمن تیکن قہار اس
ہرفینے یار یاسر رند آتے توکلی نا
جمعہ کرینے ڈیھ ئٹ اعلان ئے آجوئی نا
بشخانو ساہ تے تینا آجوئی نا پری ئے
جی جی مرے فرید جان دیدگ نا سوگوی ئے
ہچبر گمان ئٹی مف جی ھو ہَمُن کرینے
پرویز نا دلیری لونڈو تے سُن کرینے
لیپ ئٹ کہنگ وڑتو لال آ شکیل جان ئے
مشکافی آ اونا دھکّ سُرفینے مُچ جہان ئے
سنگت فرید ظفر جان اسامہ عید محمد
ساہ سدخئی نا جنگ ئٹ یار آتان سلتنو پد
خواری تا زار آ جام ئے تِنگار ندر مسُر
دھرتی ئے تینا ساہ تے بشخار ندر مسُر

عامر  رفیق لہڑی چاکر تے سد  سلام ئے
ڈیھ آ فدا مروکا دلبر تے  سد  سلام ئے

مشکاف آن پد کنا ساہ بر کان بارکھان آ
مست آک کریر زندہ تاریخ ئے کربلا نا
محسن غلام رضا تو جنگجاہ ئٹی اوار ئے
میران کرینے خاخر دشمن تیکن ڈغار ئے
عاقل  نا  آگہی  آن تیبہ   جہان   پوہ ئے
ناگاو  ناگ  دلبند    مُچ  مکُران  پوہ  ئے
یاسین گواڑخی آ پھل آتے رنگ بشخا
عمران سدخئی نا  ننکن  تخانے  چیدہ
شاہ ذیب مصطفی نور رسّان قادر آتے
لکھ جی مرے وطن نا پرجوزہ غا چناتے
مقبول سراج خالد جند ندر آ لال مھزام
مھر و وفا نا رنگ آن دو تے کرینو ہنام
عبدالوھاب فیروز زاہد علی رحیم خان
منصور دور ئنا او، او دور ئنا سلیمان
دیہاڑ ئنا صفحہ تے رنگی کریر شونق ئٹ
تینے مرید ڈیھ ئے ہانی کریر شونق ئٹ

کیم جان نعیم طاہر اکبر تے سد سلام ئے
ڈیھ آ فدا مروکا دلبر تے سد  سلام ئے

رُژنائی علم عمل نا چیدہ زبیر جان اس
مہر و وفا مڑا نا قصہ زبیر جان اس
دا وخت ئٹی حسین نا جلوہ زبیر جان اس
لمہ وطن نا جی ھَو خواجہ زبیر جان اس
پھل انگا آجوئی نا کلمہ زبیر جان اس
بے خلق و بے گڈر تا سیخا زبیر جان اس
ورنائی ئے او تینا قربان کرے وطن کِن
زگر آ دتر تے تینا درمان کرے وطن کِن
سنگت زبیر جان نا ہمراہ نثار یار اس
او لمہ غا وطن نا پُر جوزہ انگا مار اس
ہرفوکا تینا بڈ آ مہر و وفا تے بِٹتَور
مرگ ئے بغل کری ئک لیکن سِلاہ تے بِٹتَور
دشتُل نا سرزمین آ گُہرام پُھل دسینے
پُھل انگا تینا جان ئے شورہ ٹی بیرِفینے
کیوہ سِفت فدائی الطاف جان خلیل ئے
ہئے ہئے اخس مڑا ئٹ کھسفیر مست آ پیل ئے
اسلام سُدیر ابوبکر عبدالاحد شیہک جان
کیرہ فخر نمے آ مستونگ ءُ کیچ مکران

میران فتح نظرجان گَہوَر تے سد سلام ئے
ڈیھ آ فدا مروکا دلبر تے سد سلام ئے

نادر ثنا  سجاول  معصوم  امجد اشرف
پاریر دشمن ئے  کہ دا  سرزمین  نا  اف
کوڑاسک ئٹی ردوکا میرل نا شان ئے بڑزا
دنکہ نقیب بالاچ سبزل نا شان ئے بُڑزا
دھرتی نا مہر رشید ئے شور اسکا سر کرینے
سفیان تینے دیہاڑ ئٹ جی ھو امَر کرینے
زفران وسیم نوروز جمشید جنید ءُ دلجان
نم چیدہ  راستی  نا  نم  ڈیھ  ئنا  نگہوان
شارُل نا روشنائی تیبہ جہان  ئے سر مَس
سمعیہ گچینا ماھل ھوَ ماھِکان ئے سر مَس
ہرنائی نا دیار آ سنگت شفو نا رند ئے
رند آتیان اونا ساہ سدخئی نا گَند ئے
تاجَل عبید محمد گُل دلبر آ صمد خان
انت ناز انت ادا ئٹ دھرتی آ مَسّو قربان
بھلا  مری  دلیر آ  توکَل  تو  اکبری  آ
ساہ ئے کرے شنَکی پُھل انگا آجوئی آ
رکّھانے دشمن آتان خضدار شال ءُ  مَند ئے
نازیف   یار   چاکر    لکّی    آ  سربُلَند  ئے

گزین مجید سلمان انور تے سد سلام ئے
ڈیھ آ فدا مروکا دلبر تے  سد سلام ئے

چاکر زہری
-.-.-.-.-.-.-.-.-.-.-.-.-.-.-.-.-.-.-..-.-.-.-.-.-.-.-.-.-..-.-.-.-.-..-.-.--..
#balochmartyrsday #balochistan #mirahmedbaloch #brahvimusic #balochisong #music #tawaarbalochistan #newsong #trending #13november