မြတ်ဆုမွန် - မန္တလေး သိန်းဇော် - Myat Su Mon - Mandalay Thein Zaw

#မြတ်ဆုမွန် အမည်ရှိဓမ္မတေး၏မူလ #ဆုမြတ်ပတ္ထနာဆိုသည်မှာ
သုဝဏ္ဏဘုမ္မိဆံတော်ရှင်သာသနာဟု ခေါ်ဆိုအပ်သော တောတောင်စဥ်
ဆံတော်ရှင်မြတ်ဘုရားများဖြစ်ကြသည့် ဆံတော်ရှင်ကျိုက်ထီးရိုးနှင့်
ကျိုက်ထီးဆောင်း၊ ကေလာသ၊ မြသပိတ်၊ ကျိုက်ဒေးရုံ၊ ကုဿိနာရုံ
သက္ကထူပ၊ မြသိန်းတန်၊ ရွှေဇင်းကျိုက်၊ ဇွဲကပင် စသည့်အဆူဆူသော
ဆံတော်ရှင်စေတီတို့အား သစ္စာပန္နက်ဓိဌာန်ချက်ပြု၍ကျေးဇူးတော်ရှင်
ကျိုက်ထီးဆောင်းဆရာတော် အဘိဓဇ အဂ္ဂမဟာ သဒ္ဓမ္မ ဇောတိက
ဒေါက်တာဘဒ္ဒန္တပညာဒီပအရှင်မြတ်၏ပတ္ထနာတောင်းဆုဖြစ်ပါသည်။

အဆိုပါဆုမြတ်ပတ္ထနာအား ဆံတော်ရှင်ဘုရားအများတည်ရာဖြစ်သော
မွန်ပြည်နယ်အတွင်းရှိ ဘီးလင်းမြို့နယ်၊ ဇုတ်သုတ်စံပြရွာ၊ မြဦးတောင်
သာသနာ့ကုန်းတော်ထက်တွင် ဆကေသမဟာဓါတုဝင်ဆံတော်ရှင်ဓာတ်
ကိန်းဝပ်စံပျော်လျက်ရှိသည့်ကျိုက်ထီးဆောင်းဆံတော်ရှင်စေတီမြတ်၏
နေ့ညအစဥ်ဘုရားဝတ်တက်ဝတ်ပြုရာ၌ သီလဝန္တပုဂ္ဂိုလ်တို့လေးမြတ်စွာ
ဆုမြတ်ပတ္ထနာကို ရွတ်ဆိုပူဇော်ခဲ့ကြသည်။

အခါတစ်ပါး၌ ကျိုက်ထီးဆောင်းဆရာတော်၏တပည့်ဒါယကာ
မိသားစုများဖြစ်ကြသည့် ဒေါက်တာဦးအောင်သန်း+ဒေါ်ခင်မေအေးတို့နှင့်
အကြောင်းဆက်သောဂီတပညာရှင်/ဂီတလုလင်ဦးကိုကိုမှ သဒ္ဒါအာရုံဖြင့်
၎င်းဆုမြတ်ပတ္ထနာအား ဓမ္မသံစဥ်ပြု၍ တေးအဖြစ် စီမံဖန်တီးကာ ကနဦး
ဦးကိုကိုကိုယ်တိုင် သီဆိုပူဇော်အသံသွင်းခဲ့ပါသည်။

၂၀၀၁ခုနှစ်တွင် ကမ္ဘာနှံ့သိဘုရားစေတီတစ်ဆူဖြစ်သော
ဆံတော်ရှင်ကျိုက်ထီးရိုးစေတီမြတ်အား ကျိုက်ထီးဆောင်းဆရာတော်မှ
ဒုတိယဒီပဘဒ္ဒန္တနာဂဒီပအရှင်သူမြတ်နှင့်တပည့်ဒါယကာတို့အား သြဝါဒ
ပြု၍သာသနာ(၅၀၀၀)မက အရှည်တည်တန့်ခိုင်ခန့်နိုင်စေရန် ကျောက်လုံး
တော်ကြီးအထက် ခက်ခက်ခဲခဲအနေအား ပါရမီတော် ဇွဲလုံလ္လဝိရိယဖြင့်
ဘက်စုံပြန်လည်ပြုပြင် မွမ်းမံခဲ့ပါသည်။ ထိုမှတဖန် စေတီတော်မြတ်၌..

ရွှေထီးတော်၊ စိန်ဖူးတော်တို့အား အသစ်ဆက်ကပ်တင်လှူပူဇော်
မည်ဖြစ်ရာ မြတ်ဆရာ၏စေညွှန်းချက်အရတပည့်ကျောင်းသားဒါယကာ
ဇာတ်မင်းသားလေး(မန္တလေး) သိန်းဇော်မှ ပြန်လည်သီဆိုပူဇော်ခွင့်ရခဲ့၍
ဝေနေယျအများအနုမောဒနာစိတ်ထားဖြင့် ကြားလွယ်၊ ဝမ်းမြောက်လွယ်
ဖြစ်စေခြင်းငှာ ဆုမြတ်ပတ္ထနာမှသည် မြတ်ဆုမွန်ဓမ္မပူဇာတေးအဖြစ်ဖြင့်
နိုင်ငံနှင့် သာသနာတော်အဝန်း သုဝဏ္ဏဘုမ္မိဆံတော်ရှင်သာသနာ၏တန်ခိုး
ဂုဏ်အဖြာဖြာအား သောင်းသောင်းညံညံဓမ္မအောင်သံလွင့်နိုင်ခဲ့ပါသည်။

ဂီတနှင့်အဖြာဖြာပူဇနိယဒါယကာ #ဇော်သင်္ကန်းတိုက်မိသားစု