Pitit Gwiyane - Sylviane CEDIA - Nous les femmes

Pitit Gwiyanè
ACI Sylviane CEDIA - Album "Nous les femmes" (2004).
I I I Paroles I I I
V V V V V V

Yé péplé mo péyi ki yé di piti
Mé so latè byen gran pou atiré lé zimigran
Ounlo moun ki kontan li vini enstalé isi
Ounlo pa gen ta chwési (woy men palo ké déba)

Yé monté ménaj yé troublé ménaj
Vini fé pitit isi i i i mé yé pa bliyé yé péyi
Tout yé fanmi pa té pé janbé
Sa ki té pli vayan alé divan (woy men séparasyon)
Yé ka sonjé yé fanmi
Houm oum oum... (mé yé pa bliyé yé péyi)
Houm oum oum... (mé yé ka sonjé yé fanmi)

Yé trouvé péyi a bèl péyi a dous
Trouvé y sa roun jolot paradi
Rélé rot-yan 'ou-ou' pou yé vini isi
Mé a roun péyi ki bézwen fos
Li pa fèt rounso pou plézi
Poté manèv poté lo fos
Simen bon bagaj pou li

Yé trouvé péyi a bèl péyi a dous
Trouvé y sa roun jolot paradi
Rélé rot-yan 'ou-ou' pou yé vini isi
Mé a roun péyi ki bézwen fos
Bra pou soutyenn so ékonomi
Ba li rékonèsans
Pa bliyé planté soumaké isi
Houm oum oum... (li pa fèt rounso pou plézi)
Houm oum oum... (pa bliyé planté soumaké isi)

Oun bèl négrès rivé rot jou-a
Té ka sasé tandrès tonbé amoroso
Dépi y kontré Jojo é la yé fè pitit isi pitit gwiyanè

(OhéOhéOhéO léko danbwa tandé)
'sois fier et dans la dignité relève-toi' (OhéOhéOhéO)

Pitit gwiyanè pou lévé péyi a (koumansé jodla)
Pa atann dimen jennjan gwiyanè (pou lévé péyi a)
Dimen pé divini oun mové zanmi (koumansé jodla)
Pa atann tro ta pitit gwiyanè (pou lévé péyi a)
Jennjan gwiyanè a zot ki lavènir (pou oune miyo divini)
Pa atann tro ta pitit gwiyanè (pou lévé péyi a)

(OhéOhéO héO léko danbwa tandé)
'sois fier et dans la dignité relève-toi' (OhéOhéOhéO)