طريقه تصنيع صندوق الرسم بالرمل لأول مره في الوطن العربي علي اليوتيوب - الجزء الاول

الجزء الاول من سلسله تصنيع صندوق الرسم بالرمل او رمال البحر
في الفيدو ده انا بوريك افضل جوده تصنيع وارخص طريقه تصنيع ممكنه وأمن طريقه تصنيع لصندوق الضوء الكهربي للرسم بالرمل (رمال البحر) او اي نوع رمال ممكنه والمتاحه اليك من رمال الجبال اوالصحراء

الطلبات المستخدمه لتصنيع الصندوق في الفيديو
وميزانيتها الماليه كتالي :

نقوم بشراء لوح خشب موسكي مثل ذلك 1:03 ب سماكه واحد (1) بوصه هو اسمه كده لان في الواح 2 بوصه ثقيله وغاليه الثمن دي ملناش دعوه بيها خلينا في الواحد بوصه يعني ما يعادل (2 سم ونصف) (2.5 سم) او تكون سماكته لا تقل عن (2 سم) بعد توضيبه وتنعيمه بالفاره الكهربائيه لتجهيزه للتركيب مباشره ولضمان تفادي اي نوع من انواع الاعوجاج في الواح الخشب مثل الواح سرائر النوم الخشبيه

معلش انا قربت اعمل دكتراه في في الديسكربشن هنا 😂😂 معلش استحملوني لو عاوز تفهم بالتفصيل.
ويكون اللوح بعرض لا يقل عن (15 سم) او اكثر من كده اذا انتا حبيت تطوله اكتر ولاكن خليك فاكر ان ده هيتقل وزنه جدااا دا غير انه هيخليه عالي جدا وشكله غبي مثل صناديق التخزين الخشبيه وكمان وهيفشخك في الفلوس هههههههه 😂😂

المهم (15سم) علشان يستوعب الاناره الاداخليه من لمبات لد كبيره او متوسطه الحجم من سعر 50 جنيه لل لمبه الواحده اشتريلك اربع لمات علي الاقل بلاش نتانه وبخل 😂😂 لضمان اكبر قوه اناره ممكنه دا في حاله اذا كنت تريدها ولا تريد التعامل مع اشرطه ال ليددات الطويله والرفيعه زي اللي انا استخدمتها في الدقيقه رقم 6:29

طول لوح الخشب الموسكي 3 متر و 80 سم او ما يعادل هذه الطول من الواح خشب الموسكي لتقطيعه وتوضيبه في صوره اربع ضلوع لمستطيل الصندوق
للحصول علي بعدين من ابعااد الصندوق اللي هم الطوووول والعرض
الطول لا يقل عن 120 سم مثل ما انا فعلت لو انتا عاوز تقلل فا قلل برحتك بس راعي ان شريت ال ليد طوله واحد متر (100 سم) وبالعلم ان يوجد شريط ليد مثله بطوله 50سم يباع في الاسواق ولاكن نادر الوجوده في اغلب محلات مصر لقله تداوله لدي محلات الكهرباء لسه هتكلم عنه تحت هنا اصبر عليه افهمك كل حاجه
نرجع لباقي اضلوع الصندوق ,,,,, وعندك ضلعان عرض اخران لا يقل طولهم عن (60 سم) او نصف متر (50سم) لجوانب الصندوق بس خد بالك انك هتوزع اشرطه الليددات علي ال (60سم) بمسافه لا تقل عن (10 سم) ما بين كل شريط ليد والتاني زي ما انتا شايف كده يا عزيزي المشاهد لضمان افضل جوده اناره ممكنه ومتاحه ليك في توزيع الاناره الداخليه 😘👌 ولو مش فاهم يبقي حاول تخلي المسافه ما بين ال لمض او اشرطه ال ليددات متساويه هتكون افضل علشان متعملش تكثيف للضوء في مكان معين في الزجاج بعد ما يركب 😘👌

ونقوم بشراء عدد 2 (لوحااان) خشب ابلكاش طوول (130سم) في عرض (70سم) ومتقلقش انا مطول (10سم) في عرض وطول لوحين الابلكاش لضمان الاكتفاء في التركيب وقص الزياده بالفاره الكهربيه زي ما انتا شايف في دقيقه 2:31 وطبعا لوحين الابلكاش دول نلصقهم ببعض بغراء الخشب الابيض لضمان القوه والمتانه والسعر الجيد بدل من استخدام لوح خشب (ام دي اف) (MDF) اللي بيتباع بسعر غالي جدا بالحجم ده وهيكون اضعف شويه وطبعا دا في الاخر حسب رغبتك وامكانياتك الماليه ❤️💪
بس طبعا صندوق الرسم بيكون افضل واجمل في الاحجام الكبيره لرسم قصه كبيره كامله وانتا مرتاح في مساحه واسعه بس متنساش ان عندك لو زجاج لازم يركب لا يقل عن سماكه (5ملي) هيركب وده هيتقل معاك الصندوق جامد وممكن يعدي وزن ال 25 كيلو او اكتر ومش هتعرف تشيله هيقرفك في حياتك والله 😂😂 انا صندوقي وزنه 20 كيلو بالمناسبه وعندي اللي اكبر اتقل منه كمان ولكنه ثابت ومش متنقل زي ده

انا صورت الحلقه دي في اول يوم في رمضان 2019 اللي فات وطبعا كل شئ سعره قابل انه يزيد او يقل مع مرور الزمن عليه ف انا هقول صرفت كام بصراحه بس متدايقش لو لقيت زياده في كل الاسعار المزكوره او نقصان فيها لان مش كل تجار الخشب بيتعاملوا بنفس السعر تقريبا

(3.8 متر) 3 متر و 80 سم خشب موسكي 150 جنيه
لوحين خشب ابلكاش 130 في 70 ب 150 جنيه
50 جنيه مصنعيه ونجاره وبقشيش ولازي منو 😂
اجمالي 350 جنيه لتصنيع الصندوق علي المحاره بس 😂
275 جنيه ثمن عدد 5 اشرطه ليددات بقيمه 55 جنيه لشريط ال ليد الواحد
وجبت بالباقي من 300 جنيه 5 متر اسلاك والكمتره (زر التشغيل الكهربي) والفيشه الكهربيه
50 جنيه ورق زبده و ورق الامينيوم من محلات تجهيز المطاعم والمطابخ المنزليه او الهايبر العادي
كده اجمالي 600 جنيه
ولاكن اجمالي تكلفه الانتهاء من الصندوق وصلت معايا انا ل 780 جنيه طبعا اتفقنا ان لازم يكون معاك ميزانيه تاني احطياطيه لان ممكن انك تصرف اجمالي 800 او 850 جنيه
لان في زجاج مكتب عادي جدااا انا جبته طوله (120 سم) في عرض (60 سم) وسومكه (6ملي) انا جبته وتمنه كان 180 جنيه طبعا دا لو انتا هتعمل الصندوق بتاعك بنفس حجم صندوق بتاعي

واخيرا خد بالك ان زجاج (5ملي) ممكن تلاقيه ارخص بحوالي 30 او 20 جنيه يعني ممكن تشتريه ب 150 جنيه وطبعاا انا مكنش متوفر عندي في المنطقه اللي انا فيها وكان هياخد وقت علشان اركب الزجاج السيكوريت اللي غير قابل للكسر بسعر 350 جنيه لنفس الحجم تقريبا بسماكه (6ملي) وعلي ما ازكر في زجاج سيكوريت (5ملي) بسعر 300 او 290 جنيه طبعا السعر زي ما قولت بيتغير من وقت للتاني مفيش شئ سعره سابت في الكون كله حسب قانون العرض والطلب 😂😂

رابط الجزء الثاني من هنا :    • الجزء الثاني والاخير من طريقه تصنيع صندوق ...  

#الرسم_بالرمل #كيفيه_تصنيع #صندوق_الرسم_بالرمل
#الرسم_بالرمال #صندوق_الرسم_بالرمال #رسم_بالرمل
#رسم_بالرمال #صندوق_رسم_بالرمال #صندوق_رسم_بالرمل
#فن #فنون #الرسم #تصنيع_يدوي #تصنيع_منزلي
#ارخص_طريقه_ممكنه #الوطن_العربي #لأول_مره #لاول_مره
#لأول_مره_في_مصر #مصر #لأول_مره_في_الوطن_العربي
#لأول_مره_في_المحتوي_العربي #هوايه_الرسم_بالرمل