ماجد الرسلاني - تبسمي (حصرياً) | 2025

لمتابعة الفنان ماجد الرسلاني عبرالصفحات الإجتماعية والموسيقية :
https://alfan.link/MajedAlrslani

ماجد الرسلاني - تبسمي (حصرياً) | 2025
Majed Alrslani - Tabasmi (EXCLUSIVE) | 2025

كلمات : فوار الزناتي
توزيع ومكس : أذواق الفن
تصميم : عبدالعزيز


الكلمات :

تجملي قدامهم واقهريهم
مدامك تعيشين في قلب رجال

من دونك يوقّف ولا يحتريهم
يرخص لك عيونه قبل يرخص ريال


تبختري يا فتنتي .. وافتنيهم
خلي القلوب يصيبها بشوفك جفال

تقدمي يا مهرتي وافهقيهم
دامك خذيتي شوطهم ثقل وهبال


ايه انثريهم واجمعي وانثريهم
انتي سحابة زين والحسن همّال

تهافتي واسترسلي واسفهيهم
دام الوعد قدّام والعود ميّال


تبسمي .. والتفتي .. وعانديهم
تغندري مع كل شيله وموال

تمايلي باحساسك وسكّتيهم
لا يا بعد حسّادك وكل الازوال


واذا انتثر ليل المتون إلفحيهم
سواد شعرك ضيّع الليل والشال

وبنص عين بنظرتك جننيهم
خليهم يعيشون مع كحلك اهوال


تطاولي في رقّتك واكتميهم
وتبدلي بالزين من حال لي حال

طوفي على عقول العرب بعثريهم
دامك قضية دوّخة كل الاجيال


واذا نسوا طاري الغلا ذكّريهم
يا حظ من لبسك دبله وسلسال

قولي عليهم .. وابشري بي عليهم
كذاب من قال الهوى لعبة عيال