Molla Vəli Vidadi -Qəzəl-Yar olmayan yerdə

Molla Vəli Vidadi 1709-cu ildə Şəmkirdə anadan olmuşdur. İlk təhsilini Şəmkirdə almış, oxumağı davam etdirmək üçün Poyluya gəlmişdir. O, ərəb, fars dillərini mükəmməl öyrənmişdir.Yaradıcılığı ağır,hikmətli və fəlsəfi ruhlu şeirlərlə tanınır.Əsərlərində dünya faniliyi,dərd, kədər əsas mövzudur.
Şair həm heca həm də əruz vəznində qəzəl,qoşma,müxəmməs,təxmislər yazmışdır.
Vidadi ,Molla Pənah Vaqiflə yaxın dostluq münasibətləri saxlamışdır.Vaqifin ölümündən sonra Vidadi onun xatirəsinə
“Müsibətnamə” əsərini yazmışdır.
Molla Vəli Vidadi 13 may 1809-cu ildə Qazaxda, Birinci Şıxlı kəndində vəfat etmiş və Gəmiqaya adlı yerdə dəfn olunmuşdur.

Qəzəl

Könül sәbrü qәrar etmәz, gedәr yar olmayan yerdә,
Mәhәәbbәt payidar olmaz vәfadar olmayan yerdә.

Vәfa qıl bir vәfadarә, ulaşma hәr biiqrarә,
Mәtaın atma bazarә, xiridar olmayan yerdә.

Mәnim hәmrazü hәmdərdim, deyim hәr bәdnüma gördüm,
Hünәr kәsb eylәmәz mәrdüm, bәli, ar olmayan yerdә.

Xuda, sәn saxla gəl fәrdi, çәtindir yalqızın dәrdi,
Pәrişanlıq tapar mәrdi havadar olmayan yerdә.

Dila, laf etmә mütlәqdәn, düşәrsәn zülmә nahәqdәn,
Neçün mәrdüm dönәr hәqdәn bir azar olmayan yerdә?!

Gәl, ey könlü olan rövşәn, qәbul et bu sözü mәndәn,
Necә mәqdur olur mәskәn gülә xar olmayan yerdә.

Könül dünyadә yar istәr, olubdur biqәrar istәr,
Vidadi xәstә var istәr, xaçan yar olmayan yerdә.