Ya Garib Nawaz | Murshid E Chishtiya | 🖋️ Sayyed Fazil |🎙️ Azhar Jilani

#udaipurfamousnaatkhwan
#udaipurnaatkhuwan
#udaupurazharjilani
#famousazharjilani
#garibnawaz #garibnawazn#newkalam2025
#khwajagaribnawaznewurs2025
#kgn2025
#kgnursmubarak
#maslakealahazratzindabad #naat #alahazrat


Pure Kalam Ki Lyrics
مرشدِ چشتیاں غریب نواز
جانِ من جانِ جاں غریب نواز

رات کو شمع ساں غریب نواز
دھوپ میں سائباں غریب نواز

تو عطائے رسول ہے لاریب
اے سیادت نشاں غریب نواز

تیری دیوار ہی کا سایہ ہے
میرا دار الاماں غریب نواز

عشق میں فاصلے نہیں رہتے
میں جہاں ہوں وہاں غریب نواز

تجھ کو سلطانِ ہند کہتا ہے
سارا ہندوستاں غریب نواز

جب خدا پوچھے کیا یہ تیرا ہے؟
کہنا محشر میں ہاں! غریب نواز

تیرے احسان مجھ پہ کیا کیا ہیں
اے مرے مہرباں غریب نواز

تیرے قصے مجھے سناتی تھی
عہدِ طفلی میں ماں غریب نواز

کھول دے ہم پہ بابِ لطف و کرم
ہے چھٹی کا سماں غریب نواز

آدمیت کے باب میں دائم
خیر کے ترجماں غریب نواز

مجھ کو پروا نہیں زمانے کی
ہیں مرے قدر داں غریب نواز

میں تمہارا کنیز زادہ ہوں
سرورِ سروراں غریب نواز

تیرا ہی خانہ زاد نوکر ہے
میرا کل خانداں غریب نواز

آج بھی تیری جنبشِ ابرو
دل پہ ہے حکمراں غریب نواز

غوثِ اعظم اُدھر، اِدھر میں ہوں
اور ہیں درمیاں غریب نواز

آستاں پر ترے فقیروں کی
بندھ گئیں گٹھڑیاں غریب نواز

دیکھتے دیکھتے ترا گنبد
گِر گئیں ٹوپیاں غریب نواز

سب کو بھر دے، یہ میرے کاسے ہیں
یہ مری جھولیاں غریب نواز

والئ بے کساں معین الدین
خواجۂ والا شاں غریب نواز

مسکرا دو تو شہد ہو جائیں
زیست کی تلخیاں غریب نواز

تیری آہٹ سے گونج اٹھتی ہیں
دھیان کی وادیاں غریب نواز

میں نظامی و اشرفی ہو کر
ہوں ترا مدح خواں غریب نواز

چھوڑ کر تیرے در کے ٹکڑوں کو
اور جائیں کہاں غریب نواز

اپنے در سے اٹھا نہ فاضل کو
خواجۂ خواجگاں غریب نواز

فاضل میسوری