مديح سيف الويسي ومصطفى الويسي | حلقة روحانية | الشاربين دلال شو ناسيني

التكية الرفاعية الويسية في الانبار

اللهم صل على سيدنا محمد
وعلى آله وصحبه وسلم تسليما كثيرا

●

ج٤

~ المداح سيف الويسي ~
~ المداح مصطفى الويسي ~

القصيدة الخامسة :

الشاربين ادلال شو ناسيني
كالو عليكم بالفزع جسريني

ابدي بسم طه النبي العدناني
بحر العلوم وسره الرباني
بجاه النبي ياربي لا تنساني
اني بحمه المختار يوم الديني

والله لنادي الشيخ عبدالقادر
الباز لشهب بالشدايد حاضر
الفي يجدي واجبرلنه الخاطر
صحت المدد ياباز لتخليني

وين الرفاعي وين ابو سليماني
ناديت لمن صار بيها محاني
ونريد فزعه منكم وبرهاني
اني دخيله ها يبو علاميني

طايح افراشي والمرض هد حيلي
صيتك يبو العباس مثل الهيلي
يالبدوي لدموع مني تسيلي
من الوجع فزعه يبو الثاميني

اني انخه جدي رابع الاطقابي
اني بحماكم كوم برد صوابي
ها يلدسوقي صار بيها عتابي
شمتو اعدائي ها يبو العينيني

الخيال وضحه اني لغز الرايه
عيبن عليكم مافزعتو ويايه
ناخيك ابو هادي تكفله بهايه
طايح مريض يكول مايلفيني

بيك انتفاخر جدي يابو شيبه
ماضل صبر طالت علينه الغيبه
انجان ماتفزع تراها عيبه
نضره علي جدي يقرت عيني

شبول اليماني وينكم ماجيتو
بلفزعه ويس العود عالي صيتو
ويكول محسوبك تره ناديتو
شمر ذراعك ع الذي يعاديني

انخه المشايخ شاربين الكاسي
كلهم شيمجيه ورفعت الراسي
هذا ابو هادي كلبه بي وهواسي
احمو خليفة شيخنه سماعيلي

داخل على الله وع السكن بغدادي
يالفلسطيني كوم عجل مدادي
انضر على محسوبك ابو هادي
ويكول شيخي بالفزع ناسيني

اني لغز رايات لهل ديالى
وكت الضرب كلها تحضر خياله
والله لبو طه لدز رساله
وكت المحن يلفي علي ياسيني

محمود الحضيني يجي خيالي
يبو السيديه ذكركم ع البالي
متخيبون ضنونه يرجالي
المحسوب صاحك جدي يالحصيني

يمبردين النار ويه دلالي
منريد نسمع احنه نريد افعالي
ياسين وطه وينكم يرجالي
بالضيم حالي والحزن سابيني

وعبيد عاتبكم يهل حمريني
ويكول كل ارجالهم جافيني
وحتى ويس العود هم ناسيني
من جنت اصيحله يجي يحاميني

كل الكلام الي نذكر مقصودي
هايه القصيده الجدي ويس العودي
صيت ونخيتك تاتجيني جرودي
ها يبن عامر يا اسد حمريني

يختمها سيف الويسي للصلاحي
يدعي الإله بكل مسه ومصباحي
تحفضلي شيخي بجاه طه الماحي
هذا الرسول افدي ماي العيني

تأليف : المداح سيف موسى الويسي
تاريخ القصيدة :2022/10/15

القصيدة السادسة :

اللهُ هو الله

ياقبلتي في صلاتي اذا وقفتو اصلي
جمالكم نصف عيني ياقبلتي في صلاتي

ها نحن القادريه ها نحن الرفاعيه
ها نحن البدويه ها نحن الدسوقيه
كؤسنا ممليه
من سيدنا محمد نشربها صافي النيه
قال اشرب تهيئ في ليلت العشويه

لنا شيخ في بغداد نطلب من الله لمداد
ابو صالح يالاستاذ باز الاشهب شيل الله

لنا شيخ في البصره نطلب من الله نصره
والرفاعي بالحضره ياسيد احمد شيل الله

ياويس يابو حمره يمبردين الجمره
طلو علينه بنضره صارت بكليبي حسره

وانخه يالفلسطيني وشعجب ماتلفيني
يابو موسى تحميني طلو على المسكيني

الخضر يابو محمد ع العيل اليتعمد
من سركم يتمدد ع المقبره يشيله

منصور يابو شيبه طالت علينه الغيبه
يوم الفزع والرييه والعدوان يهابوبه

الرفاعي يايابه ياريس الاقطابه
محسوبك داوي صوابه ابو العرجه دلفونه

●

نسأل الله أن يتقبل الطاعات

عددنا اليوم : 4,714

#التكية_الرفاعية_الويسية .

2023/1/15