Dindil lu bon li ci yaw, summil yu bon yi nga sol - Wolofal Serigne Mbaye Diakhaté
Автор: Serigne Mbaye DIAKHATE
Загружено: 2025-11-29
Просмотров: 229
Murid bi sóobu nga màndiŋ, jëm ci ngën ji barab
Boo xamni bii, boo ca yeggee, jot ci lépp ngëram
Boobee barab, ku ca jëm, day jëkk a tuubi moyam
Ta génne àdduna jépp it cib xolam soog a dem
Ku saytu moy gu mu tuubul mbaa mu yëg ci xolam
Ag bëgg àddina, kon dem matla wéq xelam
Dalal di jug, wacc loo daa nekk ciy ñami moy
Ba yépp set nag ci yaw, ngay door a jug di ca jëm
Na dee fi lekke lu bon, sàngoo yu bon yu xesaw
Di jëm ci Buur aka naa “Moo jaa ku xam barabam ?”
Dindil lu bon li ci yaw, summil yu bon yi nga sol
Ta daal di jàpp sa xol, sellal ko ak sa yaram
Ta jënd gët ub cofeel ak aw ndigal diw a diw
Ci xol bi ak cër yi, sol yéerey ngënéel aki ndam
Ta jëm ca bunt ba yóbbaale’b yar ak rafetal
Akub rafet njort akub muñ ak way ak bari gëm
May gaayi bunt ba ab yar sàkku seeni ngëram
Yor seeni dàll ca kaw sànni’g rëy ak bari jom
Def leeni sang nu def la’b lar mosal la ngëram
Ubbil la bunt bu kenn dul dox foog aka xam
Ngay tàbbi nag seeni bunt ak seeni xol di gëram
Ñuy sant ngay gën a saf say nawle yépp xorom
Fëxal ta daw ba sa digg ak sab sëriñ deme ni
Bul àgg mukk ta jàppoo fàww lépp ngëram
Доступные форматы для скачивания:
Скачать видео mp4
-
Информация по загрузке:
![[Nouveauté] 😭 Wajaba Hamdu par Kourel Nurud Darayni HT Thiès (3° Jour Ramadan 1446H-2025) #khassida](https://ricktube.ru/thumbnail/bLTjOorzorM/mqdefault.jpg)
