Pilipinas Kong Mahal (Audio)

BILANG paggunita sa ika-125 taong anibersaryong kapanganakan ni Maestro Francisco Santiago, narito ang kanyang komposisyong “Pilipinas Kong Mahal” (C Major, in 3-4). Ito ay orihinal na nasa wikang Ingles bilang “Philippines, My Philippines,” akda ng Amerikanong guro na si P. F. Jernegan. Inspirasyon ni Jernegan sa pagkatha ang awit na “Maryland, My Maryland," bagaman hindi ginaya ang himig.

Noong 1907, binanggit ni Jernegan sa aklat niyang The Philippine Citizen ang tungkol sa “Philippines, My Philippines.” Noong 1914 naman, inilahok ni Norberto Romualdez ang awit sa kanyang aklat na Philippine Progressive Music Series for the Primary Grades. Ito ang ipinakanta sa mga bata noong panahon ng mga Amerikano bilang panumbas sa Star-Spangled Banner (pambansang awit ng Estados Unidos). Ito’y bunga na rin ng pagbawal ng Pamahalaang Insular ng Amerika sa paggamit sa anumang simbolo ng kalayaan mula 1904 hanggang 1919 dahil sa Flag Law. Kalaunan, isinalin ito sa Tagalog ng makatang si Ildefonso Santos.

Ang kopya ng musikang ginamit dito ay mula kay Rodel Mayor Fronda