CCTV PATROL: Residential area sa Tondo niyanig ng pagsabog matapos ang New Year countdown

MANILA — Isang malakas na pagsabog ang naganap sa isang residential area sa Barangay 227, Zone 21, Tondo, Maynila, ilang minuto matapos salubungin ang Bagong Taon nitong January 1, 2025.

Ayon sa barangay, bandang alas-12:10 ng madaling-araw nang marinig ang biglaang pagsabog na ikinagulat ng mga residente sa lugar.

Tatlong bahay ang naapektuhan ng insidente at nawalan ng kuryente ang mga ito. Ilan ding ari-arian ang nasira, kabilang ang isang tricycle, motorsiklo at mga bintana ng bahay.

Wala namang naiulat na nasugatan sa pagsabog, ayon kay Barangay 227 chairman Melicadel Insa. Gayunman, tinatayang nasa limang pamilya ang naapektuhan ng insidente.

“Nagulat na lang kami nung pumutok, biglaan,” ani Insa.

Hindi pa matukoy ng barangay kung anong uri ng paputok ang sumabog.

Ayon kay Insa, maihahambing umano ito sa paputok na napulot ng mga bata sa Barangay 223 sa isang naunang insidente.

“Walang pinagkaiba. Walang pinagkaiba sa pumutok dito sa ’min. Ang lakas, nagulat nga kami dito,” aniya.

Bagama’t walang direktang nasaktan, may isang ama na may-ari ng isa sa mga bahay ang dinala sa ospital matapos umanong magalit at ma-trauma sa nangyari.

Ayon sa barangay, hindi ito makausap nang maayos dahil nakainom.

“Wala namang nasugatan. Kaya lang nadamay 'yung mga gamit nila. Nasira at tyaka naapektuhan,” dagdag pa ng barangay chairman.

Nagbabala naman ang barangay laban sa sinumang sangkot sa insidente.

“Kung sino man ’yun, ipakukulong namin,” mariing pahayag ni Insa.

Nanawagan din ang opisyal sa publiko na maging responsable sa paggamit ng paputok, lalo na sa mga residential area.

“Sana naman e matuto na. Matuto na sila,” aniya.

Patuloy pa ang pakikipag-ugnayan ng barangay sa mga awtoridad para sa patuloy na imbestigasyon sa insidente.

For more ABS-CBN News videos, click the link below:
   • ABS-CBN News  

For more News Digital News Raw Cuts, click the link below:
   • News Digital Raw Cuts  

For more Breaking News & Live Coverage videos, click the link below:
   • Breaking News & Live Coverage  

For more latest news and analysis from ABS-CBN News videos, click the link below:
   • The latest news and analysis from ABS-CBN ...  

Subscribe to the ABS-CBN News channel! - http://bit.ly/TheABSCBNNews

Watch full episodes on iWantTFC for FREE here:
http://iwanttfc.com

Visit our website at http://news.abs-cbn.com
Facebook:   / abscbnnews  
Twitter:   / abscbnnews  
Instagram:   / abscbnnews  

#Tondo
#NewYear
#ABSCBNNews