ترنيمة القطة و الحيوانات - كورال الملائكة بنها - قناة كوجى للأطفال

كنت في يوم ماشي في جنينه
شفت أنا قطه قاعده حزينة
قربت منها قلتلها مالك زعلانه ليه
قالتلي كل أصحابي حلوين وأنا مش عارفه أنا طالعه لمين
تعالى معايا شوفهم بنفسك
و انت هتعرف ليه شاطرين
ماء ماء ماء ماء ماء ماء
جالكوا بطل قصة الفداء
أنا الخروف القوي الشجاع
أصل أنا كنت مكان إسحق
ماء ماء ماء ماء ماء ماء
جالنا بطل قصة الفداء
ماء ماء ماء ماء ماء ماء
أصل أنا كنت مكان إسحق
أما أنا الحمامه جميلة لوني أبيض وصغيوره
وبطير مسافات طويلة و كمان أكبر من العصفورة
وفي أى مكان بروح اللي بيندهلي بساعده
وأسأله أبونا نوح في ثواني كنت أنا عنده
لما نداني زمان في الفلك وقت الطوفان
لما ناداها زمان في الفلك وقت الطوفان
في ثواني كنت أنا عنده
وساعدته وبقي فرحان
أنا الحوت الضخم أسمع أمر الرب
أجي بسرعه بسرعه وأقول أنا تحت الأمر
تقولي أنقذ يونان
ماقولش أنا تعبان
أجي وفي أي مكان وأقول أنا تحت الأمر
ييجي وفي أي مكان ويقول أنا تحت الأمر
أسد جعان يا ناس جعان حد يجبلي عشر غزلان
دانيال جاني في الجب زمان أمر الرب أكون شبعان
وأنا جمل حمال قاسيه بمشي الكيلو في ساعتين
مش بشرب خالص مايه غير كل فين وفين
وصاحبي راجل قديس بنبيع ملح أنا وهو
كان إسمه الأنبا رويس وحبه في قلبي جوه
وشوال الملح تقيل وساعات بنلف كتير
وشوال الملح تقيل وساعات بيلفوا كتير
بس الرب بيدي القوة
لما يشوفنا بنعمل خير
وأنا غراب الأنبا بولا بطير في الجو بكل سهوله
و أدي غراب الانبا بولا بيطير في الجو بكل سهوله
كنت بحبه وبروح له وفي عز البرد
كنت بجيبله نص رغيف طعمه لذيذ وكمان نضيف
وفي يوم جاله الأنبا أنطونيوس أمر الرب أودي رغيف
سبعين سنه في االصحرا لوحده وأبو الرهبان كان أول ضيف
لازم نسقفلكوا بإدينا و بنشكركوا ووعد علينا
هنحب بعض نخاف علي بعض نساعد بعض
وإنتي يا قطه ما تزعليش وإفرحي دايما وماتنسيش
إنك ممكن تبقي جميله لما الخير جواكي يعيش
حبي وساعدي الناس من قلبك
وإفرحي يلا ماتكشريش

قناة كوجى القبطية الأرثوذكسية للأطفال
تابعونا على النايل سات تردد:11096 - (افقى) - 27500 - 5/6
إيميل: [email protected]
للاشتراك على قناة اليوتيوب -subscribe
   / @koogitaraneemi4994  
فيسبوك :  / koogitv  
انستجرام :  / koogichannel  
تويتر   / koogi_tv  
للتواصل تليفونيا:44447550 - 01212129719