ပြုံးပြုံးလေး ဖိတ်ခေါ်ပါရစေ

“ပြုံးပြုံးလေး”'

ပြုံးပြုံးလေးဆိုတာ (Based on a true story) တော်လှန်ရုပ်ရှင်ဇာတ်ကားဖြစ်ပါတယ်။တော်လှန်ရေးမှာ ၂၀၂၁ဖေဖဝါရီကနေ ဒီနေ့အထိပြည်သူနဲ့အတူတူတသားတည်းရပ်တည်ပြီး
ပုံစံမျိုးစုံနဲ့ရောက်ရာအရပ်ကနေ တစိုက်မတ်မတ် ပါဝင်နေသူနှစ်ဦးရဲ့ ပေါင်းစုံမှုတစ်ခုပါပဲ။ သူတို့ နှစ်ဦးဆိုတာ တော်လှန်အနုပညာရှင်တွေဖြစ်ကြတဲ့ မင်းမော်ကွန်း နဲ့ ဒါရိုက်တာ ကိုပေါက်တို့ပါပဲ။
ဒီရုပ်ရှင်ကိုမှတ်တမ်းတင်ချင်တဲ့အချက်ကတော့ ကိုယ်ကျိုးစီးပွါးကိုယ်စီအတွက် အကြမ်းဖက် စစ်ကောင်စီ လက်အောက်က ဘောမပရိုကျူဆာ၊ ဘောမအနုပညာရှင်တွေရဲ့ တကိုယ်စာရပ်တည်မှုမျိုးအတွက်ဆိုတဲ့ခေါင်းစဉ်ဖြစ်မနေခြင်းက သမိုင်းတစ်ခုဖြစ်နေပါတယ်။
ဒီကားရဲ့ထူးခြားမှုက သရုပ်ဆောင်စစ်စစ်ဆိုလို့ မင်းမော်ကွန်းနဲ့ကိုပေါက်သာဖြစ်ပြီး ကျန်တဲ့သူတွေကတော့ မြေပြင်မှာပြည်သူနဲ့အတူတူ လေးနှစ်ကျော်ရပ်တည်ခဲ့ကြသော အလွှာပေါင်းစုံမှာ တော်လှန်ရေးသမားစစ်စစ်တွေပါဝင်ထားကြခြင်းပါ။
မင်းမော်ကွန်းက မြေပြင် ရဲဘော်တွေနဲ့ အတူ ဖရူဆို၊ဒီမောဆို၊ဖားဆောင်းမြို့တွေမှာ အခြေပြုရိုက်ကူးခဲ့တဲ့ ရုပ်ရှင်ဖြစ်ပြီး ဖားဆောင်းမြို့သိမ်းတိုက်ပွဲတွေကြား ဒါရိုက်တာကိုပေါက်ကိုယ်တိုင်သွားရောက်ရိုက်ကူးခဲ့သောရုပ်ရှင်လည်းဖြစ်ပါတယ်။
အလွှာပေါင်းစုံကနေ ပြည်သူနဲ့အတူပါဝင်ကူညီရပ်တည်ပေးနေကြတဲ့ မြေပြင်
ရဲဘော်တွေရဲ့ ဘဝဖြစ်ရပ်မှန်တွေကိုအခြေခံ ဇာတ်အိမ်တည်ရိုက်ကူးထားသော ရုပ်ရှင်ဖြစ်ပါတယ်။

"တကယ်ဖြစ်ခဲ့တဲ့ နေရာတွေ များတယ်၊ ကိုကျော်တို့ ဒီဘက်မှာ ရိုက်နေတဲ့အချိန်လည်း တောက်လျောက် ဗုံးလာလာကြဲနေတဲ့အခါကျတော့ ဒီမှာ ရှိတဲ့ အခက်အခဲတွေအားလုံး မြင်ရတယ် တွေ့ရတယ်"

မင်းမော်ကွန်း

ပြုံးပြုံးလေး မြေပြင်ရိုက်ကွင်းတနေရာမှ ကိုကျော်က နိုင်ငံတကာမှ တော်လှန်ပြည်သူရဲဘော်ရဲဘက်တွေကို ဘာတွေ အမှတ်တရ ပြောပြထားလဲ။ ရိုက်ကွင်းမှတ်တမ်းတွေကိုပါ ခံစားဖို့ ပြုံးပြုံးလေး ဖိတ်ခေါ်ပါရစေနော်။