كيرياليسون || القس اندرو فيليب

كيرياليسون || القس اندرو فيليب مع فريق كاتدرائية رئيس الملائكة ميخائيل ، أسيوط
...........
كيرياليسون٣ يا الله ارحمنا
كيرياليسون٣ يا الله اسمعنا
انظر إلينا و اضطلع يارب علينا
تراءف علينا احنا شعبك ، و انت جابلنا
بإيديك عاملنا و بمحبة ، تملى مِعاملنا
و من جميع أعداءنا يا ، مولانا نجينا
نجينا برضو من الغلاء ، اللى مهددنا
احنا عبيدك و انت سيدنا اللى ساندنا
كيرياليسون٣ يا الله ارحمنا
كيرياليسون٣ يا الله اسمعنا
يارب فـ همومنا غرقانين و طوق نجاتنا صلاة
يارب تتحنن علينا و ترضى تسمعها.
مستنيين منك مدد ، مـ انت السند و العون
يارب فيك متعشمين ، إنت الشفا من الآه
و النفس لو تلجأ إليك ، بيخف وجعها
و اليأس فـ وجودك بيهرب، و التعب بيهون
كيرياليسون٣ يا الله ارحمنا
كيرياليسون٣ يا الله اسمعنا
من برد دنيتنا مفيش، غيرك انت دفيتنا
نوصل لبَر عشان إيديك ، مستِلمة دفتنا
إله عجيب و بتستجيب ، بابك ماهوش مقفول.
و ماسبتناش لكن بخيرك ، انت كفيتنا
غاليين عليك و من الخليقة، اخترت كفتنا
ما بتتشغلشى عنا ، لكن انت بينا مشغول
كيرياليسون٣ يا الله ارحمنا
كيرياليسون٣ يا الله اسمعنا
......
أغصانك ثبتنا ، فيك انت يا كرمتنا
من شوك ملا أيامنا ، يا الله ارحمنا
....
مد يمينك هاتنا ، من جوه متاهَتنا
من جوه أوجاعنا ، يا الله اسمعنا
كيرياليسون٣ يا الله ارحمنا
كيرياليسون٣ يا الله اسمعنا
............
#ابونا_اندرو #ابونا_اندرو_اسيوط #القس_اندرو #ابونا_اندرو_فيليب #القس_اندرو_فيليب #ترند #ترنيم #ترنيمة #ترنيمة_جديدة #ترنيمه #كيرياليصون #كيرياليسون