Menya uko FAR yishe Maj Gen Fred Gisa RWIGEMA!

Ubwo hari hashize amasaha 24 gusa urugamba rwo kubohora u Rwanda rutangiye, uwari Umugaba Mukuru wa RPA Inkotanyi akaba na Chairman wa FPR Inkotanyi, Late Maj Gen Fred Gisa Rwigema yarashwe n'ingabo za Leta (FAR) arapfa. Late Maj Gen F.G. Rwigema yari amaze amasaha 19 gusa yongeye gukandagira ku butaka yavukiyeho ubwo hari hashize imyaka 31 we n'bandi Batutsi benshi birukanywe mu Rwanda kuva tariki 11 Nzeri 1959 n'indi myaka yakurikiyeho.

Urupfu rwa Maj Gen Fred RWIGEMA ntabwo rwahise rutangazwa kugirango abasirikare badacika intege gusa uko iminsi yisunikaga, icyuho cye cyaje kugaragara maze ibyago byinshi biza byiruka biryama hejuru y'Inkotanyi, ni uko ingabo za Leta zitwaga Inzirabwoba zica Inkotanyi nshinshi, bamwe zikabarasa bakabura ubatabara noneho mu gihe bagicumbagira zikabafata zikabicisha ibyuma zibasonga, abandi barahungu bambuka akagera ariko abari bageze imbere mu Mutara baravuga bati ikiba kibe turwane mpaka turebe uko bizagenda.
Ni byo koko, kuba Umugaba w'urugamba yari apfuye bivuze ko urugamba rwari rupfuye ariko haje Umugobokarugamba ari we Perezida w'u Rwanda aka kanya, Nyakubahwa Paul Kagame. Yataye amashuri ya Gisirikare yigaga muri Amerika mu ishuri ryiza, yasize Umufashe we Nyakubahwa Madamu Jeannette Kagame anamusiga atwite umwana wabo w'Imfura ubu ni umusore mwiza witwa Yvan Cyomoro Kagame, yasize byinshi araza arema agatima Inkotanyi, aziha amayeri mashya yo gutsinda umwanzi, aziha intsinzi nyinshi kugeza urugamba rwo kubohora u Rwanda arutsinze anahagarika Jenoside yakorerwaga Abatutsi yatangiye tariki 7 Mata 1994.

Muri Video itaka tuzababwira ku Intsinzi ya mbere Inkotanyi zagize zifata Ikigo cya Gisirikare cya GABIRO (Gabiro Barrack) n'ubwo zitakigumanya ariko zari zagicakiye.
===========

Kureba ibindi biganiro by'urugamba reba aha munsi 👇🏾:

1. IYA 1 UKWAKIRA 1990: Inkotanyi zifungura umupaka wa KAGITUMBA
   • IYA 1 UKWAKIRA 1990: Inkotanyi zifungura u...  

2. Menya uko FAR yishe Maj Gen Fred Gisa RWIGEMA! :
   • Menya uko FAR yishe Maj Gen Fred Gisa RWIG...  

3. Uko Inkotanyi zafashe ikigo cya Gisirikare cya Gabiro mu 1990
   • Uko Inkotanyi zafashe ikigo cya Gisirikare...  

4. Bishwe bate, biciwe he? || Umunsi FAR yica Maj P. Bayingana & Maj C. Bunyenyezi.
   • Bishwe bate, biciwe he? || Umunsi FAR yica...