Vətəndaşları intim videoları ilə şantaj edən dəstə ələ keçdi - Baku TV

Vətəndaşları intim videoları ilə şantaj edən dəstə ələ keçdi - Baku TV

Vətəndaşları intim videogörüntüləri ilə şantaj edən, görüntülərini müxtəlif sosial şəbəkələrdə yayan şəxslər Dövlət Təhlükəsizliyi Xidməti tərəfindən saxlanılıb.
İstintaq qrupu müəyyən edib ki, mütəşəkkil dəstə üzvləri “Facebook” sosial şəbəkəsində yaratdıqları saxta hesablar vasitəsilə müxtəlif şəxslərə videogörüntülü zənglər edərək intim xarakterli davranışlara sövq etməyə yönələn hərəkətlər ediblər. Həmin vətəndaşlarla əlaqə yaradıb, onların və yaxın qohumlarının barəsində rüsvayedici materialları nümayiş etdirib yayma hədəsi ilə külli miqdarda pul tələb edərək, beynəlxalq pulköçürmə sistemləri vasitəsilə çoxsaylı hesablara göndərilməsini təmin ediblər.
Genişmiqyaslı araşdırma tədbirləri ilə ölkə hüdudlarından kənarda olan cinayətkar şəbəkə üzvlərinin istifadəsində olan cihazların internet şəbəkəsinə qoşulduğu İP ünvanları və digər abunəçi məlumatları əldə edilib. Cinayətkar şəbəkəyə daxil olan 32 nəfərin şəxsiyyəti təsbit edilərək texniki izlər və pul köçürmələri əsasında davam edən cinayət əməllərindən 200 nəfərdən artıq şəxsin zərər çəkdiyi məlum olub.
Cinayət işi üzrə beynəlxalq hüquqi yardım prosedurları çərçivəsində cinayət əməllərinin təşkilatçılarının Bolqarıstanda məskunlaşdığı müəyyən edilərək bu ölkənin hüquq-mühafizə orqanları ilə birgə Silistra əyalətində yerləşən ünvanlarda axtarış, dindirmə və digər intensiv istintaq hərəkətləri keçirilib. Cinayət əməllərinin təşkilatçıları, icraçıları və vasitəçiləri cinayət başında ifşa edilib. Azərbaycan və digər xarici ölkə vətəndaşlarının şantaj edildiyinə dəlalət edən videomateriallar, səsli mesajlar və yazışmaların olduğu çoxsaylı kompüter, mobil telefon və texniki avadanlıqlar götürülüb.
Cinayət əməlləri ifşa edilən xarici ölkə vətəndaşları Gyurdzhan Stoyanov, Tezdzhan Stoyanov, Sevinch Niyazi və digərləri təqsirləndirilən şəxs qismində cinayət məsuliyyətinə cəlb edilməklə, barələrində məhkəmə qərarı ilə həbs qətimkan tədbiri seçilib. Cinayət işi üzrə araşdırmalar davam etdirilir.
***************
Baku TV 2018-ci ilin fevral ayında xəbər kanalı kimi fəaliyyətə başlayıb.
Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

*********************
Pulsuz Elanlar: https://www.tut.az
*********************
Vətəndaşları intim videoları ilə şantaj edən dəstə ələ keçdi - Baku TV
*********************
Bizi Sosial şəbəkələrdə izləyə bilərsiniz.
Twitter:   / bakutvofficial  
Facebook:   / www.baku.tv  
Instagram:   / bakutvofficial  
************
Vətəndaşları intim videoları ilə şantaj edən dəstə ələ keçdi - Baku TV
************
2018/2021 © All Rights Reserved ℗ Baku TV



#BakuTv #bakutvxəbər #trend #xeberler #news #bakutvxeber #bakutv #bakutvnews #newsandpolitics #xəbərlər