Ndërhyrja inovatore në tru, pa hapje të kokës, pa shenja.

Qendra e STROKE në Spitalin Amerikan, e dyta në Europë që realizon ndërhyrjen dhe rrëfimi i veçantë i Profesor Mentor Petrelës

Për herë të parë në rajon, kryhet me sukses ndërhyrja inovatore për trajtimin e Tinnitus Pulsatile, te një paciente 21 vjeçare shqiptare e cila tashmë është jashtë rrezikut për jetën. Bëhet fjalë për një patologji invalidizuese që si simptomë kryesore ka një zhurmë pulsuese dhe të vazhdueshme në vesh dhe prek enët vaskulare të trurit duke rrezikuar seriozisht jetën.

Në “Opinion” në TV Klan, është transmetuar një speciale dedikuar ndërhyrjes inovatore të realizuar nga ekipi i neuroshkencës i përbërë nga Prof. Asc. Dr. Eugen Enesi dhe Prof. Asc. Arben Rroji në Spitalin Amerikan 3, nën drejtimin e një prej eminencave botërore të neuroradiologjisë intervencionuese, Prof. Emmanuel Houdart PU PH, Shefi i Njësisë së Neuroradiologjisë Intervenciouese në Departamentin e Neuroradiologjisë në Lariboisier në Paris.
Kontakti i Prof. Emmanuel Houdart me Shqipërinë erdhi nëpërmjet Prof.Asc. Eugen Enesit i cili ka qenë nxënësi i tij në Spitalin Lariboisiere, para 12 vitesh, por lidhjet me Shqipërinë janë edhe më të hershme.

“Por kam lidhje familjare me Shqipërinë. Xhaxhai im ka qenë profesor i Prof.Mentor Petrelës i cili u bë neurokirurgu më i mirë në Tiranë. Pra ekziston një lidhje thuajse familjare mes Francës dhe Shqipërisë për mua. Xhaxhai im u ftua në kohën e komunizmit në 1968 sepse një nga personalitet e regjimit kishte një problem shëndetësor”, tregon Prof.Houdart.

Por sa ka ndryshuar mjekësia shqiptare për Prof.Houdart në këto 12 vite?

“Një nga problemet që konstatova dhe që është duke u zgjidhur, ishte furnizimi me pajisje. Kjo të bënte shumë përshtypje para 10 vitesh. Tani në disa spitale, si në Spitalin Amerikan është më mirë. Unë u habita. Këtu i kam të gjitha. Nuk më mungon asgjë këtu”, shprehet Prof.Houdart.

Qendra e STROKE në Spitalin Amerikan 3 ofron të gjitha kushtet për të realizuar ndërhyrjet e fundit të mjekësisë, sic është edhe ajo për Pulsatile Tinnitus.

“Konsiderohet si dicka e re, mbi të gjitha sepse patologjia që do të trajtojmë është një patologji jo shumë njohur, nuk njihet mirë në përgjithësi nga njerëzit në botë, por unë e njoh mirë sepse e trajtoj prej 15 vitesh. Vecoria e këtij specialiteti, ndërhyn në tru duke kaluar nga rrugët natyrale, pra nga arteriet dhe venat. Koka nuk hapet fare, nuk mbetet asnjë shenjë. Është një vajzë që ka ngushtim të një vene në tru. Ky ngushtim shkakton dy simptoma, njëra prej tyre është një zhurmë që ajo dëgjon dhe e ndjen si një pompë. Mund të prekë nervin optik duke shkaktuar edhe verbim. Procedura zgjat rreth dy orë”.

Asistenca e Prof.Emmanuel Houdart është më shumë se shkëmbim eksperiencash për Prof.Mentor Petrelën.

“Ka një histori… xhaxhai i tij ka qenë profesori im që më ka mësuar dhe ai ka mbështetur hapjen e shkollës së neurokirurgjisë dhe neurologjisë që në kohën e regjimit komunist. Për arsye të këtij kontributi të Raymond Houdart, ai është në memorialin e shërbimit të neurokirurgjisë në QSUT dhe një pavijoni i kemi vënë emrin e tij”, rrëfen Prof.Petrela.

Falë teknologjisë dhe stafit tejet të kualifikuar, Qendra e STROKE në Spitalin Amerikan bëhet e para në rajon që realizon ndërhyrjen inovatore, por objektivat janë ambicioze.

“Kjo që po bëhet sot nuk është bërë as në Slloveni, Rumani, Kroaci, etj. Qendra e STROKE është mbi nivelin e rajonit. Ne realizojmë mbi 200 ndërhyrje rutinë. Emmanuel nuk mund të ndërmerrte një aventurë nëse nuk do të kishte të gjitha kushtet. Kjo paciente rrezikonte humbjen e jetës dhe shikimit. Sytë dhe jetën. Me Emanuelin na lidh Nicja, përpara të gjitha gjërave duhet të ndërtosh ura. Pretendimi është që duke ndërtuar këtë urë ne mund të bëhemi qendër rajonale, për të pasur një mbulim rajonal”, tha Mentor Petrela.

Për më shumë informacion ose vizitë, kontaktoni në: 042 35 75 35 ose klikoni në: rezervime.spitaliamerikan.com

Spitali Amerikan, përqafoje jetën!
#spitaliamerikan