"Астана" телеарнасы, 31.05.2013 ж.

Премьер-министрдің бірінші орынбасары Бақытжан Сағынтаев Қостанай өңірінде болды
Өзгенің өніміне көз сүзбей, өзіміздің шикізатты өңдеу керек. Бұл Премьер-министрдің бірінші орынбасары Бақытжан Сағынтаевтың сөзі. Бүгін ол Қостанай облысында жұмыс сапарымен болып қайтты.
Аймақтағы ірі кәсіпорындарды аралап, жұмысымен танысқан Бақытжан Сағынтаев астықты өлкеге ат басын тіреді. Алқап басында министрге нөлдік технологияның жетістіктері мен артықшылығы баяндалды.
Биыл қостанайлық диқандар 4 жарым миллион гектар жерге дән екпек. Оның тоқсан пайызға жуығын астық тұқымы құрайды. Ал қалғаны -- майлы дақыл. Бидай алқабының 1 миллион гектарына ылғал сақтау технологиясы қолданылады.
Қостанайдағы жұмыс сапары барысында Премьер-министрдің бірінші орынбасары ауыл шаруашылық саласына қатысты алқалы жиын өткізді. Басқосуда саланың өзекті мәселелері көтерілді. Жиынға ауыл шаруашылық министрі Асылжан Мамытбеков те қатысты.