მე დავბრუნდები me davbrundebi

გᲗხოვᲗ Დაიცვათ საავტორო უფლებები, Აკრძალულია ვიდეოს სხვა საიტებზე Ატვირთვა ავტორის Ნებართვის Გარეშე. ხატი მანაველი

ემიგრაცია Ჩვენი ტკივილია

მომენატრე და ფიქრებით შენთან მოვედი,

გავიხსენებ შენთან ყოფნის წუთებს და წამებს,

მიჭირს უშენოდ ეულად ვარ თითქოს სულ მარტო,

როგორაც მთვარე უვარსკვლავო ბნელიან ღამეს.

გული მოიწევს გული ვერ გთმობს გული გეძახის,

სულს ამიშფოთებს სევდიანი მუსიკის ბგერით,

მე დავბრუნდები რადგან ვიცი რომ შენ არსებობ,

სიზმრად ნახული თეთრი გედი სულ ახლოს მღერის..

მომენატრები ისე ტკბილად მომაგონდები,

აიშლებიან ლურჯ ზეცაზე ღრუბლები ფიქრის,

ლაღი ღიმილი შემიცვალა სევდის ფერებმა
და ხსოვნაშიც ქარი დაძრწის შენს სახეს მიშლის.

მე დავბრუნდები რადგან ვიცი რომ შენ არსებობ,

რომ სამყაროს ფრთხილად უცვლი დროის საკეტებს,

ჩვენ ჩვენით მივალთ ამ ცხოვრების მტვრიან ბილიკებს,

ულმობელი დრო კი არქმევს თავის სახელებს.

მომაგონდები ისე ტკბილად მომენატრები ტკივილისგან ატოკდება მკერდში ეს გული,

მე დავბრუნდები რადგან ვიცი რომ შენ არსებობ, დავბრუნდები რადგან ვიცი, რომ ვიღაც მელის..

ხატი მანაველი 2014 წელი

Ემიგრაციაში Ცრემლებით დაწერილი Ჩემი ლექსი რომელიც 2025 წელს ავამᲦერეᲗ Ჩემი მეგობრების Დახმარებით #ნინოდაგიორგი ❤❤❤