張曦雯父母留港陪過頒獎禮 許靖韻與海兒組限定組合合唱

張曦雯父母留港陪過頒獎禮 許靖韻與海兒組限定組合合唱

張曦雯Kelly 呢日同四位應屆香港小姐倪樂琳、梁嘉莹、 楊梓瑤、王汛文，以及陳庭欣、陳爽、蔡穎恩等，盛裝現身馬場出席賽馬日，Kelly仲聯同四位港姐配戴首飾於沙圈行騷，適逢爸爸返港過聖誕，所以Kelly就帶埋爸爸一齊嚟開工呀！

講到張爸爸睇住Kelly開工時眼中有光，Kelly就話爸爸覺得好驕傲，仲不停拎住相機幫佢影相，亦因為咁每次父母返港時，Kelly都會帶埋佢哋一齊去開工，等父母明白自己平日嘅工作同生活。

《萬千星輝頒獎典禮2024》將會喺1月19日舉行，張媽媽打算1月中離港，但由於Kelly有份提名角逐視后，所以張媽媽就決定留多幾日，過完頒發禮先離港喇。

倪樂琳自細就鍾意鑽飾，細個時仲會拎媽咪嘅讚戒嚟戴，問到佢會唔會間中拎返頂后冠出嚟戴？倪樂琳就話打算將中間粒石拆出嚟做吊咀，而成個后冠就會擺入保險箱。而正日生日嘅王汛文，就表示幾位港姐好有心，一早為佢準備咗生日蛋糕同佢慶祝。

海兒日前就喺社交平台分享咗佢同許靖韻嘅合照，唔少網民都話佢兩個好似相，仲有人提議佢哋組成「新TWINS」出道，呢日許靖韻就話張合照其實係幫海兒慶生時影嘅，佢哋影完睇返都覺得有啲似樣，許靖韻仲透露當日佢哋除咗合照外，仲有拍咗啲合唱片，當時都相當有火花嘅，叫大家相睇呢對限定組合嘅合照，就不妨留意住佢哋社交帳號嘅更新喇！

#張曦雯 #許靖韻 #香港小姐 #倪樂琳 #梁嘉莹 #楊梓瑤 #王汛文 #陳庭欣 #陳爽 #蔡穎恩 #新TWINS #限定組合 #海兒 #慶生 #生日蛋糕 #鑽飾 #吊咀 #保險箱 #后冠 #視后 #萬千星輝頒獎典禮2024
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0