افضل معجون اسنان ✅ ( لحماية الاسنان | نزيف اللثة | للاسنان الحساسة | تبييض الاسنان )

#دكتور_محمد_فرحات
#معجون_الاسنان
#تبييض_الاسنان
#حساسية_الاسنان
#نزيف_اللثة
#علاج_التسوس
#معجون_سحرى
#مشاكل_الاسنان
#امراض_الاسنان
#تسوس_الاسنان
#حماية_الاسنان
#معاجين_الاسنان
#صحة_الفم
#صحة_الاسنان
#سيجنال
#سنسوداين
#بارودونتكس
#كولجيت
#كلوس_اب
#كرست
#dental_care
#tooth_paste

أولا وقبل كل شيء كل معاجين الأسنان بتحتوى على عنصر الفلوريد واللى بيساهم بشكل كبير فى تكوين الأسنان بصورة صحيحة وحمايتها من التسوس، يعنى قصدك ايه يا دكتور يعنى قصدى أنه لو أنت شخص عادى ومش بتشتكى من حاجة الحمد لله وعايز معجون بس عشان حماية أسنانك من التسوس فاحب اقول لحضرتك استخدم أى نوع موجود فى السوق وانت مطمن لأنه فى النهاية كلهم بيحتوا على مادة الفلوريد وحضرتك وذوقك بقى فيه ناس بتفضل معجون بنكهة الفراولة فيه ناس تحب النعناع او حاجة بالقرنفل، كله حلو فاختيارك فى الحالة دى مش هيضر طالما الأسنان نورمال ومفيش اى مشكلة،
نرجع بقى للناس اللى بيشتكوا من حاجة معينة زى أسنان حساسة او نزيف لثة او غيره دول بقى اللى يركزوا فى اسم المعجون اللى هقوله لأنه هيكون أنسب وأفضل معجون فى حالتهم، تمام كده تمام

طيب يلا بينا نقول اسماء المعاجين دى وهات حضرتك وهاتى حضرتك ورقة وقلم واكتبى ورايا

رقم ١ معجون لمكافحة التسوس يبقى هتجيب signal العادى الأزرق زى ما هو موجود فى الصورة كده

رقم ٢معجون لنزيف اللثة والرائحة الكريهة والجيوب اللثوية يبقى هنستخدم parodontax complete protection
طيب المشاكل دى أصلا بتبقى موجودة ليه، فيه اسباب كتير زى ضعف اللثة الوراثى او التدخين او عدم استخدام فرشاة الأسنان والمعجون من فترة طويلة فبالتالى بيعمل جيوب فى اللثة ، منها برضه أثناء الحمل اوقات والضعف اللى بيحصل لجسم المرأة فى الفترة دى بيأثر بالتالى على اللثة ، فيه برضه مرضى السكر ربنا يعافى ويشفى كل مريض يعنى اسباب عديدة جدا لنزيف اللثة ده مش مجالها دلوقتى المهم اننا فى الحالة دى بنستخدم المعجون ده لأنه أثبت فعاليته فى علاج الحالات دى، تمام

المعجون رقم ٣ بقى اللى معانا النهاردة بنسخدمه لعلاج الأسنان الحساسة فى حالات حساسية الأسنان الوراثية وحالات ضعف طبقة المينا الخارجية وبعد تبييض الأسنان او ازالة الجير وهوا معجونsynsodyne repair and protect
وده افضل معجون لعلاج الأسنان الحساسة
ونقطة مهمة هنا احب أنبه عليها أنه فى أنواع كتير من معاجين سنسوداين مثلا فاحنا هنجيب المعجون ده زى اللى فى الصورة بالظبط تمام تمام

رقم ٤ وده معجون crest 3d white brilliance للتبيض وده ممكن نستخدمه بشكل يومى عادى جدا لأنه مش بيأثر على طبقة المينا الخارجية الىى بتحمى الأسنان وده بيسخدمه الناس اللى عندها تصبغات خارجية على الأسنان نتيجة الافراط فى شرب الشاى او القهوة او غيرها من السوائل اللى تحتوى على لون تمام تمام

طيب فيه نوع بقى من معاجين التبييض وهو معحون depurdent وده مينفعش نستخدمه بشكل يومى لأنه بيأثر بشكل قوى على طبقة المينا الخارجية اللى بتغلف الأسنان فالمعجون ده اقصى حاجة نستخدمه مرتين فى الاسبوع وده فى الغالب بنستخدمه بعد عمليات التبييض او التلميع للحفاظ على درجة التبييض او التفتيح اللى وصلنالها

برضه من ضمن معاجين التبييض معجون خاص بالمدخنين لأنه بيحلل صبغة النيكوتين اللى هيا الطبقة السوداء عند المدخنين وبرضه ممكن يستخدموه بشكل يومى وهوا معجون
Crest 3d white deluxe
اللى هوا ده عشان منتلخبطتش تمام تمام
يبقى كده اختصرنا كل معاجين الأسنان اللى فى السوق ل ٦ انواع منهم ٣ للتبييض وهو
Crest 3d white brillianceللتبييض بشكل يومى
وcrest 3d white deluxe للمدخنين للاستخدام بشكل يومى
ومعجونdepurdent للتبييض مرتين في الأسبوع

اما المعاجين العادية فعندنا سيجنال العادى لمكافحة التسوس
وعندنا بارودونتكس حماية متكاملة لنزيف والتهابات اللثة
وعندنا سنسوداين ترميم وحماية للاسنان الحساسة

وفى الفيديو الجاى أن شاء الله هكلمكم عن أهم معاجين أسنان الأطفال عشان يقدروا يحافظوا على اسنانهم من بدرى