Кажан-даа (караоке)

Кажан-даа...

Сөзү болгаш аялгазы (автор слов и музыки) Седен-Очур Кара-Сал

Кажан-даа сеңээ душпас мен
Кажан-даа сени көрбес мен
Карактарың сылдыстарын
Каптагайымдан тыппас мен
Каржып эрткен кижилерден
Чараш шырайың дилээр мен
Идегелим чырык хүнү
Имиртиңнеп турар-даа бол

Суггур чаашкын куда бээрге
Суглуг карааң сактып кээр мен
Сериин салгын сырыннаарга
Холуң чымчаан сактып кээр мен
Төгерик ай үнүп кээрге
Төөгүвүс бодап кээр мен
Дуруяалар эде бээрге
Душтуум сени чоктай бээр мен

Цитата:
Дүнелерде сени бодааш уйгум келбес
Дүжүм боорга оттуп келгеш сагыжым аарыыр
Кыштың соогунда ишти-хөңнүм изип хыва бээр
Чайның чылыг хүннеринде чүрээм доңуп чор

Энерелдиг Бурганнарга
Эртениң-не тейлеп тургаш
Эжим сеңээ бир назында
Катап дужарын дилээр мен
Ораннардан дилеп чорааш
Оттуг карааң тып алыр мен
Кады чоруур салымывыс
Кажан-на бир дөмей турар.

Кижи хөөкүй дириг чорда
Карак чажы кайыын төнер?
Ынак чүрээм соп-ла чорда
Ырыларым кайыын төнер?!
Кажан-даа сеңээ душпас бол
Кажан-даа сени көрбес бол
Карактарың сылдыстарын
Катап-катап мен дилээр мен.