مشاركة الشاعر عبدالله الغفيري في حفل زواج فهد بن مبطي الغفيري

قصيدة الشاعر عبدالله الغفيري في حفل زواج فهد بن مبطي الغفيري
الشاعر عبدالله مفرح الغفيري المالكي
الغفره
غفرين
الغفيري
بني مالك
بجيله
رماح المنايا
المالكي

سبحان ربٍ بيده أعمالي ورزقي واقدري
خالق جميع الكون عالم بالوجود وما حوى

ذكره يزيل الهم لامنه تكدر خاطري
ما كنه إلا للجسد والروح طبي والدوى

من بعد جانا العيد واحنا في قدومه نحتري
الناس فرحتها رقت فالعيد لأعلى مستوى

واليا اظلم الليل البهيم وبان ضو المشتري
سوقو لي الفنجال راسي شفق للدله خوى

سر يا قلم واكتب محاريف الشعر في دفتري
هات المدايح خل عنك اهل الغزل وأهل الهوى

يا مرحبا يا ضيف ترحيباً يذاع وينشري
ترحيب يسمع له في القاعة وبالساحة دوى

يا مرحبا واقلط على البن وعلى التمر السري
وعلى الكرامة مرحبا ترحيب يبطي ما انطوى

اقولها بسم الرجال اللي فعلها يذكري
في صفحة التاريخ ما جاهم عن العز اسهوى

يا فهد يابن مبطي ازهل دام دقيت انحري
بجيك لو في طرقتي حوض المنايا والروى

نخيتني قلت أحتزم بي للقصيد المنبري
أبشر بشعرٍ يطرب الحضّار واهل المحتوى

صيتك يجمل في القبيلة والقطاع العسكري
ويشهد لك في الحد حتى الخصم ملعون الثوى

خذت الوسام بقو عزمك يالقيادي
يالجري
يوم الردي عن ساحة الميدان في الحرب انزوى

واليا ركزت البندق اللي تفري الأعدا فري
مضرابها يبطش بروس القوم ويفض الشوى

يا ذخر عودٍ ينذكر بالطيب لامنه طري
مبطي ندي الكف يآصل هقوته لآمن نوى

طبع الغفيري للمراجل والكرم يجري جري
يقلط على الطالات والعليا بقوة و ارهوى

حنا دول غفرين لآمن صار للحرب اغبري
الصف واحد ما يجي في الصف ميلة وارخوى

يا مدور الفتنة عسى لقمتك تنشب في المري
تبطون يهل التفرقة حنا سوا حنا سوا

من كر إلى بخيان لآ سحبان إلى راس الكري
ومن عمد لا بيضان حتى تآصل لوادي بوى

حامينها بالبندق اللي تطرح أكبر عنتري
واللي نوى حداننا راسه على الأرض استوى

ويا فهد ناسبت الرجال اللي نسبها ينشري
دعوى المعافا مجدهم واضح كما برقٍ ضوى

حنا بني مالك لصاحبنا أطيب من السكري
و سمً زعاف لخصمنا وأهل الردى وأهل الغوى

اليا رضينا زانت الدنيا ويا سحب أمطري
واليا زعلنا نصفق بـ سينا على وادي طوى

أمجادنا لأهل الدراسة في المناهج تنقري
تشرّف الكاتب وترفع قيمته لامن روى

ربعي بني مالك لباس الجنب والحصن الذري
زبن الدخيل اللي من الأتعاب والهم انكوى

ياللي تقل ذا عنصري اي بالله اني عنصري
مالك لوا يوم اني امدح عزوتي مالك لوى

وما يجحد حقوق الرجال إلا الكذوب المفتري
هذاك يضوي بالعلوم الخايبة لآمن ضوى

تم السلام ختام بنهاية قصيدي واخبري
وصلوا على المختار ما ذعذع في الغربي هوى