Песня як у дудку // Ганна Бурак пра народны спеў на Тураўшчыне

Ганна Бурак – народная спявачка з-пад старажытнага Турава. Яна нарадзілася і жыве ў аграгарадку Рычоў Жыткавіцкага раёна. З маленства спявала з бацькам, а пасля – разам з аднавяскоўцамі. У народным фальклорным ансамблі “Дубравіца” рычоўцы спяваюць так, як некалі гэта рабілі іх дзяды і прадзеды.

Мясцовы спеўны гурт сабраў у 1950 годзе тагачасны дырэктар школы Васіль Лукашэвіч. Ганна Мікалаеўна аднавіла дзейнасць ансамбля у 1980-я гг., а з 1999 года стала яго кіраўніком.

Менавіта “Дубравіца” прэзентуе спеўны стыль Тураўскага міжрэчча Прыпяці–Сцвігі, які з’яўляецца нематэрыяльнай гісторыка-культурнай каштоўнасцю Рэспублікі Беларусь.

Чым адметная традыцыя лакальнага спеву?

Ганна Бурак распавядае пра “кручкі”, мужчынскі і жаночы спеў, дыханне, акампанемент, дзеліцца спеўнымі скарбамі рычоўцаў, а таксама разважае пра народнае гучанне і манеру выканання, калі голас льецца, а песня ляціць.

ВІДЭА ПА ТЭМЕ
Міхайлаўскі кермаш у вёсцы Рычоў // 21.11.22
Глядзець відэа на канале Authentic Belarus:    • Міхайлаўскі кермаш у вёсцы Рычоў // 21.11.22  

Журавіны / Žuraviny
   • Журавіны / Žuraviny  

00:50 Традыцыі на Міхайлаўскі кермаш у Рычове
02:38 Любоў да народных песень і танцаў – ад бацькі
03:56 Зараджэнне і адраджэнне спеўнага гурта ў Рычове (1950-1980-я гады)
07:34 Чаму “Дубравіца”? хто спяваў у гурце?
09:03 Як дамаўляліся, каб сямейнікі адпускалі на спевы ў клуб?
13:53 “Хацелі даказаць, што рычоўцы лепш спяваюць”
14:51 Успаміны пра спеўнае дзяцінства
19:54 Голас, якім мы спяваем
22:05 Праца з дыханнем
24:02 Спеў у памяшканні і на адкрытым паветры
25:50 Традыцыйныя песні – не пад акампанемент
27:27 Як спяваць, каб слухачы нешта адчувалі
27:57 Абрадавыя песні ў рэпертуары “Дубравіцы”
31:05 Фотаздымкі з архіва Ганны Бурак
35:06 Лесавыя песні
40:10 Сімвалізм і схаваныя сэнсы ў тэкстах народных песень
41:37 Песні ўласнага сачынення
42:52 “Дубравіца” сёння
44:01 “Народнае пеніе, народны голас”
48:52 Як арганізавана праца ў “Дубравіцы”, новыя песні ў рэпертуары
53:36 “Спеты калектыў”
56:15 Як захаваць голас?
58:36 Мужчынскі і жаночы спеў
01:01:29 Пераемнасць
01:06:37 Новыя песні і напетыя песні
01:09:01 “Песня памагае жыць”

Падрыхтоўка і правядзенне інтэрв'ю, тэкставае суправаджэнне відэа, таймкоды: Вікторыя Пяткевіч
Здымкі, мантаж: Аляксей Піскун