KÕHUKESED - Mõtsavahi laul (Ammõtlik muusigavideo)

Viis: Toomas Ojasaar - Sõnaq: Annika Anton


Kõhukesed - Toomas Ojasaar, Raivo Sildoja, Ivari Saare, Kaido Kaha

Esä tütär - Triini Ojasaar

Audio - Salvõstus, mastõrdamine - Peeter Änilane
Video - Kaamõraq ja režii - Janek Marga (Stuudio Pildikoda)




Latsõna mu koton olle mõtsavahi majakõnõ
Suuri puiõ vahel saisõ sammaldunuq tarõkõnõ.
Ümbreringi kõo ja kuusõq, pedäjä ja lõhmusõ.
Tsirguq veeretivä viise, soeq ja kahruq kõndsõva.

Tuul mul laulsõ unelaulu korgõl puiõ latvu seen.
Tsirguq herätivä minnu hummuguti ülesse.
Hengen tahtsõ ilma nätäq, minnäq kotust kavvõlõ.
Ohatõn kai paksu mõtsa, suuv värelemän söämen.

:: Ku taad mõtsa iin es olnuq
Olõs maailm mullõ valla.
Ku taad mõtsa iin es olnuq
Päiv mul paistnu akna alla.
Ku taad mõtsa iin es olnuq
Olõs elo hulga paremb.
Ku taad mõtsa iin es olnuq
Üles heränü ma varõmb ::

Aig läts müüdä, kasvi suurõs, pässi vällä mõtsa seest
Ilma piten ringi kävven, lätsi läbi tulõst, viist.
Löüdse ma, et ilman suurõn olõki ei kõik nii hää
Ku ta mõtsa seest mul paistsõ –kotun olla oll iks hää.

Üle mitmõ pikä aasta kodo poolõ jäl ma tiil.
Latsõpõlvõ kodotalo unistusõn silmi iin.
Hõisatõn ku kodo jõudsõ, tarõ saisõ lakõ pääl.
Mõts, mu mõts oll maaha võetu – kännuq valõndiva viil.

:: Ku taad mõtsa iin es olnuq ....

Kuiss külh tahtnu ollaq jäl ma latsõpõlvõn mõtsa seen.
Ümbreringi kõo ja kuusõq, pedäjä ja lõhmussõ.
Tsirgu veeretänü viise, soe ja kahruq kõndnu kah.
Tuul mul laulnuq unelaulu. Uni tulnuq kipõlt jah.

Tagasi ei saa ma inämb latsõpõlvõ muinasmaad.
Mõtsast jäänu õnnõ kännuq, ossaq vedelese maan.
Täüde lännü omgi nüüd mu latsõpõlvõ suurimb suuv.
Aga silmin läügüs vesi, söäemen om nukkõr tuun.

:: Ku taad mõtsa iin es olnuq
mõtli tuukõrd kurval meelel
kändõ, ossõ kaiõn hoopis
tõsõq sõnaq nüüd mu meelen.
Vastsõ puuq ma taha panda
ümbre maja kasuma
pea sõs tsirguq jälki saavaq
puiõ ladvun hõisata ::