點解走左去跑山㗎？｜單車呢？｜越野跑｜一蚊都唔洗可以去到幾遠｜由沙田經大埔去流水響睇落羽松｜行上九龍坑山天梯｜呢幾個傻佬好癲｜香港四徑大步走
Автор: 風の友達 wind is my friend
Загружено: 2025-01-26
Просмотров: 2976
自從上一次踩單車睇完紅葉，就一直冇再踩上自己部單車啦。唔係我放棄左單車呀，只係多樣好玩既野。識我既人都知我唔太鐘意跑步。我覺得好悶，會腳痛，冇突破。但最近，我又竟然走去接觸跑步呢樣野喎。
先睇下今日攪啲乜，又係約埋班車友踩locobike呀？ 唔係，踩locobike 只係一個序幕，我地打算由大埔開始，跑去流水響水塘。得唔得嫁？ 我初哥黎嫁渣喎！唔試過又點知得唔得呢？所以一於去試下。
就係咁 我，DC ，飛雲，同埋VP師兄就一行四人出發啦。點解無啦啦走去跑步呢。事原我最近工作，同處理屋企既事都非常之忙。可以比我踩到車既時間越黎越少，由一星期三次，二次，到最近一星期都踩唔到一次。之後就嘗試試自己一個人圍住城門河跑圈，個幾鐘頭都已經可以好攰，之後又跑去馬鞍山，跑去大埔；由唔同既朋友領跑。到今時今日，我只可以話感受到跑步係啲咩黎，但談不上愛上呢項運動。由踩車轉去跑步，最大既感覺就係身邊既風景變得慢左，跑一公里都好似度日如年。其次對腳冇得停，跑步好均爭，每一步都係辛辛苦苦用力跑出黎，唔會話爬完坡就可以輕輕鬆鬆咁劈番條downhill爽一爽。
最後忽發其想，踩車由飛鵝山劈落沙田都係十幾分鐘，不如試下由沙田跑番上飛鵝山啦。就係咁，約左路易斯師兄跑左上去飛鵝山啦。唔跑由自可，跑完覺得好正喎，竟然覺得比跑平路更開心，可以笑住跑，身邊多左野望，時間仲過得好快。自此之後，跑山呢件事就一發不可收拾。自己中毒都唔夠呀，仲介紹埋比身邊既車友去試啦。
而其中一個，就係今次都有同行既DC 師兄啦，一個唔小心就泥足深陷。仲應邀參加左個海外跑山EVENT ， 聽落仲好tough 既添。所以最近呢幾次跑山，佢都係我地既鐵膽黎嫁。
話咁快就到左大埔，係太和開始進入衛奕信徑第八段啦，一開始就係樓梯，跟住就係樓梯，將會先到達玉秀峰三角測量站；然後我地會再沿住樓梯，同埋好長既樓梯，最後再攻上2千幾級樓梯，然後再去到九龍坑山電視發射站。終於去到今日既最高點啦。
由單車仔，變左跑山界JOJO ；最過癮就係果種新鮮感，每過一個彎，每跨過一舊石，都係好
期待會有咩畫面出現。由星期日跑完，星期三條腿都係酸痛，到而家跑完，下晝已經可以再同YUUI 黎個ROUND 2， 呢個轉變亦係幾實在。 當上到山上面，進退兩難既時侯，亦只有朋友既鼓勵跑過去。當我地征服左今日既最高點，就係落山既時侯，我地一路向北，向住流水響水塘跑過去。頭先講過跑步落山都係要跑嫁，所以令一步都係好實在。
黎到流水響水塘，同意料中既一樣咁多人。不過一場黎到，都要打下卡既。
睇完人山人海之後，我地加料，跑埋去丹山河呢個踩車都去過既地方，享受一下人少少既世界，又可以四個傻佬玩下癲下。
#越野跑
#insta360
#流水響
#落羽松
#跑山
#玉秀峰三角測量站
#如何開始跑步
#入坑
#香港四徑大步走
Доступные форматы для скачивания:
Скачать видео mp4
-
Информация по загрузке:
![郊遊打卡之選『九龍坑山🍂流水響水塘』2024第一擊💥｜[4K] Hiking Vlog＃130 Cloudy Hill Lau Shui Reservoir](https://ricktube.ru/thumbnail/eDyybv9CRZM/mqdefault.jpg)
