New Manqabat Abu Bakr Siddiq | Wah Kya Bakht Hai Siddiq Suhana Tera | Ayub Raza Amjadi

◦• ◉✿بسم اللّٰه الرحمٰن الرحیم✿◉ •◦

Wah ! Kya Bakht Hai Siddiq Suhana Tera
Sabz Gumbad Tale Rehmat Hai Thikana Tera

Tujh Pe Naza(N) Hai Shaha Sidq O Safa Ki Anjum
Bil-Yaqee(N) Aaj Bhi Aashiq Hai Zamana Tera

Ja-Aa Bis-Sidq Pe Jab Muhr Hai Saddaq Ka Tere
Kyu Na Siddiq Kahe Tujh Ko Diwana Tera

Tu Ghatae Se Kisi Ke Na Ghata Hai Na Ghate
Rab Ko Manzoor Hai Jab Auj Badhana Tera

Chaar Naslo(N) Ko Teri Rab Ne Kiya Unka Rafee'
Rab Ko Mehboob Hai Sara Hi Gharana Tera

Kaun Hai Sab Se Jari Khol Gaya Hai Aqdah
Gazwa-E-Badr Me Woh Pehra Lagana Tera

Bha Gaya Rabbe Muhammad ﷺ Ko Bhi Andaze Wila
Mustafa Ke Liye Ghar Baar Lutana Tera

Ham Na Bhulei(N) Ge Kabhi Khwabe Nabi Ki Khatir
Gaar Me Sanp Se Woh Khud Ko Katana Tera

Sani-Yasnain Ki Qurbat Mili Allah Allah
Koi Dekhe To Zara Qurbe Yagana Tera

Saath Sarkar Ke Tu Kal Bhi Tha Aur Aaj Bhi Hai
Koi Dekhe To Zara Qurbe Yagana Tera

Tujh Ko Farmata Hai La-Tahzan O Atqa Maula
Ham Ne Qur'an Se Ye Martaba Jana Tera

Na Liya Apni Khilafat Me Bhi Haidar Ne Fadak
Jis Se Sabit Huwa Haq Qaul Sunana Tera

Tujh Ko Gasib Jo Kahe Us Pe Khuda Ki La'nat
Woh Hai Kaj Fikr Jo Ehsaan Na Mana Tera

Tera Gustakh Haqeeqat Me Hai Gustakh E Ali
Aashiqe Murtaza Hota Hai Diwana Tera

Pehla Muslim Bhi Tu Hi Pehla Khalifa Bhi Tu Hi
Kitna Imaan Huwa Shaha Tawana Tera

Baad Nabiyo Ke Jo Afzal Huwa Kul Ummat Me
Ham Ne Wo Naam Aye Jana(N) ! To Hai Jana Tera

Ishq Tha Khoobru Faisal Tera Aye Zille Nabi
Jaishe Sarkar Ko Wapas Na Bulana Tera

Hifze Namoose Risalat Ka Tu Pehla Gazi
Wah! Kya Khoob Hai Shamsheer Uthana Tera

Lashkare A'ada Me Bhagdad Hai Ajab Si Pyare
Khoob Lagta Hai Nishane Pe Nishana Tera

Kaash Farmaye Khada Dekh Ke Dar Par Woh Mujhe
Aaja Chokhat Pe Meri Ab Hai Thikana Tera

Eyk Hi Sher Agar Sunle Woh Ayyub Tera
Tab Mai Janu Ke Hai Maqbool Sunana Tera

Daal Do Kasa-E-Ayyub Me Kuch Gohare Lutf
Hai Khada Der Se Sail Ye Purana Tera

✍🏻Az Muhammad Ayyub Raza Amjadi Kolkata
🎙️ Muhammad Azhar Raza Jilani (udaipur)