Kwanda Matiwane - Andikalibali (Maqhashu Sagas Poem)

Andikalibali
Eyam ingqondo ayinamhlantla, ibamb'iyeka okwentloko yenxila elenze imikhuba latyhol'utywala ngempembelelo, senditshilo.
Andilibali - andizilibali ezi zamxhaxh'ukumbulala umntakwethu ngo2006 zabhantinta into engacacanga zabuya zakhululeka, ngelixa sixhathis'ngelitshotshozelayo elingenachiza ukulidiba, sendimile!
Sendimile - kwizinto enazidalayo kwilali yakuMaqhashu ezimanyungunyezi, ukubulawa kwamaxhekwazi amathathu nazama ukuyiqumi isikhaya amaxhoba okwenene ngooKwanda mhla inyaniso yavela ngobugqubusha bokufihlwa kwesigebenga ngengcambu negqabi - ukumkhulula ejele -nalibala..
ngosel'utywala- into ecac'ukuba ngumxoleli wezono umvumisi wecamangu ubumenene- ndakhala...
iinyembezi zempindezelo nesixhiba yangase iinKampi neQumbu ndizisondeze kwaMpuye ibengumfula wegazi ndiqabel'iskhephe- qha ndacinga
Zezizphi izisombulula zokuphucula uMaqhashu ezeza neSkhephe, ngaphandle kodyobha amafutha uceba kwinyama angayityanga- amatye amabhozo iipanga ukumcima senditshilo
Andikalibali
Ezi zamxway'ukuyo mdlwengula emasimini mntanesekhaya zishiyigwijo emguyweni - xa liphum'ukusibulisa esikolweni, zayibalisa yangathi yintsomi - iintsuku ezimbini zaphela kuMaqhashu yalibali - kodwa mna andikalibali.
Ingeyombali
Into yobugqubusha nesmilo sika Vashiti ukukhuselwa kwempunga nangokwenza ibhunga namakhwenkwe - ismilo sobudoda sigqume ngetyali.
Kambe lungisani izipeliti - qhoboshani
Ngesigrhogrhiso ,nangomboniso -ndiyibonile i Thoboshani
Isodom, isihoko -irhamncw' libhodl'umlilo.
Lizekile,abakham'iifaydukhwe -baz'khama zixhixhiza ligazi - sislilo ..kwintsapho
Ezingamaxhob'okuvingcelwa -nyanga nenyanga sibala umfi ....kakadi sibavile ngezingqi behamba ,sibabonile kwiihoko zehotyi ..eli lithafa
Lingakubhida ukub'awuzichan' ezakwa moya.
Hayi ngoyishiya sthuben ,kodwa ngoyiyela emfazweni -ngumhlola obhid'amagqirha.
Ngumthi obhid'ubhakubha - kuba bazinik'uxandiva wokhusela irhamncwa ..izobabhida.
Gxebe sele ibabhidile imel'igobele esandleni..
Andizilibali ezizehlo, zomanyano kwakhwenkwe namadoda ngenjongo - zok'hlawulw'isdumbu.
Igazi liyathetha kananjalo nomphefumlo ...




Mxm abahlali abananyani, babeyazi basayazi ukuba ngobani ababetha iifestile zasenkonzweni- nirhaqaze ngamabhanti...
Yile milotha izalwe ngumthathi -izodibana nentsimbi' imbotyi kuthal'intlantsi.
Andishwabuli -lona ngumnqophis' ingcebiso mabafakwe kumasingcwaben -kub'ixesha labo libaliwe - nguQuater past...
Qha andilibali
Ukuba nanibhunge ngam - ukundiwisa ukundiqhela- ukundokhela ngamanqindi enkqonkqoza emnyango efestileni ekhanukele usondo ndamcika, kuba ndimnye- kuleveki ibhubhileyo ebekuNtsinga efolelwa njembe sele endibawela - isichele
Mandibhuqwe yingqele kunoba ndifumane intsholongwane ndibhubhe isinxele ndimkile...
kwesaskolo mhlazana bammanzisa ukumbangula ngebhozo emva kwamagumbi ngenj'ixukuxa- ndikwelokuqala ngokwebanga,
Kungekudala benza njalo nakuX ukumngqengqisa kuqaqa - hayi ngokumxhaxha - umnqongo wenxeba- ukufa kwamlwantsha ukumphanga.
Andibalisi ntsomi ingelobali lokuchitha isiyali - qha andilabali.

   / kwandamatiwanevevo  
#Andikalibali
#KwandaMatiwaneVEVO