A1 Report - Pukë, shembje dheu në minierën e Munellës, viktimë një 48-vjeçar

Një person ka humbur jetës pasi një masiv dheu është shembur në minierën e bakrit në malin e Munellës. Dyshohet se shembja ka ndodhur në katin e 6-të të minierës nën tokë e ndërsa nuk dihen shkaqet që kanë sjellë këtë incident.

Pas rreth një orë pune forcat e policisë dhe ato zjarrfikëse kan nxjerrë nga minisera trupin e pajetë të minatorit Gjovalin Prengaj, 48 vjeç, nga fshati Kimëz

Ende nuk ka shumë detaje për mënyrën se si ndodhi shembja brenda galerive. Në minierën e bakrit në Munellë punojnë rreth 170 minatorë. Miniera e Munellës në Pukë ndodhet në lartësitë e masivit malor me të njëjtin emër në kufirin Pukë¬ Mirditë, rreth 70 kilometër larg qytetit të Pukës. Miniera e Munelles është një prej pasurive më të mëdha të nentokes në vendin tonë.