صلاة الفجر بتحميك من الجلطة القلبية؟ د. سامح علام

صلاة الفجر محدش ممكن يخيل انها ليها تأثير كبير على صحة القلب، لكن العلم بيأكد إن صلاة الفجر بتساعد في الوقاية من أمراض القلب. تابع الفيديو عشان تعرف أهمية صلاة الفجر والاستيقاظ لها.

جسم الإنسان هو أعظم هدية ربنا ادهالنا، وعلينا نحافظ عليه ونعتني بيه عشان نعيش بصحة وسعادة. الجسم بيشتغل بنظام دقيق بين الأجهزة المختلفة زي القلب، المخ، الجهاز الهضمي، والجهاز العصبي، وكل جهاز ليه دوره اللي بيكمل التاني. بس عشان الجسم يفضل قوي ونشيط، لازم نهتم بيه من خلال الأكل الصحي، الرياضة، النوم الكفاية، والعادات الصحّية الصح.

إيه علاقة صلاة الفجر بصحة الجسم والقلب؟
الفجر مش بس عبادة، دي عادة صحية عظيمة! لما تصحى بدري وتصلي، ده بيأثر على جسم الانسان بطريقة إيجابية وبيخليك تبدأ يومك بطاقة ونشاط. بالذا انه وقت الفجر هو أخطر وقت بيحصل فيه نوبات قلبية وجلطات دماغية بسبب التغيرات البيولوجية اللي بتحصل في الجسم، زي ارتفاع ضغط الدم وزيادة لزوجة الدم. لكن هنا تيجي أهمية صلاة الفجر في وقها وهو انه لما تصحى وتصلي الفجر، الدورة الدموية بتتنشط وده بيقلل من فرص الإصابة بأخطر أمراض القلب. دا غير انه لو بتنام فترات طويلة من غير ما تصحى، ده ممكن يعرضك لخطر انسداد الشرايين وزيادة فرص حدوث جلطة، وده بالضبط اللي بتمنعه صلاة الفجر!

غير الفوائد الجسدية، فوائد صلاة الفجر من نواحي معددة دا غير انها بتديك إحساس بالهدوء والراحة النفسية، وده بيساعد في تقليل التوتر والضغط العصبي، اللي يعتبر من الأسباب الرئيسية لأمراض القلب. مش بس كدا كمان لما تتعود تصحى تصلي الفجر، جسمك هيتأقلم وهيكون نشيط طول اليوم، بدل الكسل والخمول وبردو الناس اللي بتصحى بدري عندها طاقة وإنتاجية أعلى في شغلها ودراستها، لأنهم بيبدأوا يومهم صح.

إزاي تستفيد من فوائد صلاة الفجر؟
✔️ خلي عندك نية وإصرار إنك تقوم تصلي الفجر كل يوم.
✔️ اشرب كباية مية بعد ما تصحى، ده هيساعد جسمك ينشط.
✔️ جرب تعمل شوية حركات رياضية خفيفة بعد الصلاة.
✔️ فكر دايمًا في الفايدة الروحية والجسدية اللي هتحصل عليها.
ربنا سبحانه وتعالى قال:
{أَقِمِ الصَّلَاةَ لِدُلُوكِ الشَّمْسِ إِلَى غَسَقِ اللَّيْلِ وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا} [الإسراء: 78]
يعني مش بس الصلاة مفيدة لقلبك، دي كمان مشهودة من الملائكة. متخليش الكسل يحرمك من فوايدها العظيمة!
شارك الفيديو مع اللي بتحبهم، يمكن يكون سبب في تغيير حياتهم للأحسن، مش بس لصحتهم، لكن كمان لقربهم من ربنا وصلاح حالهم 🕌♥️