تعفن الدماغ🧠🤢 | المحتوى التافه وتلاعب منصات التواصل الاجتماعي📱 بهرمونات جسمك |

#سندس_عبدالحليم #اكسبلور #المحتوى_الرائج #محمد_غنايم

⛔ رابط الباتريون لدعم القناة 👇👇👇
  / sondosabdelhalim  

⛔ رقم فودافون كاش لدعم القناة 👇👇👇
+201094097760


⛔ رابط قناتنا الأساسية على اليوتيوب 👇🔥👇

https://youtube.com/@englishwithsondo...


⛔رابط قناتنا الإحتياطية على اليوتيوب👇🔥👇

   / @sondosabdelhaleem  


⛔ رابط الانستجرام 🔥👇👌

https://www.instagram.com/englishwith...


⛔ رابط التيكتوك 👍👇

https://www.tiktok.com/@englishwithso...

بسم الله والحمد لله والصلاه والسلام على رسول الله

ليه أغلبنا بيقضي ساعات طويلة أمام شاشات التلفزيون والموبايل ومنصات التيكتوك والفيسبوك وغيرها

ليه طفلك لما بيمسك التليفون مش عاوز يسيبه ؟؟

ليه أطفالنا وشبابنا بيدمنوا مشاهدة فيديوهات المقالب و فيديوهات الاكل بكميات كبييييرة جدا واللي بيسموها فيديوهات
Mukbang
وفيديوهات الجيمنج والفيديوهات اللي بتسبب نشوة عقلية للمشاهد اللي بيسموها اي اس ام ار
الاجابه على كل هذه الأسئلة تكمن فى كلمة السر (عفن المخ)

تعالوا نروح نشوف ايه هى فكرة عفن المخ دى🤔

وتبدا ظاهرة عفن المخ او تعفن الدماغ brain Rot فى الانتشار الواسع
وتؤدى هذه الظاهرة إلى التدهور العقلي

ولأهمية موضوع عفن المخ ، اختارت دار نشر اكسفورد صاحبه قاموس اكسفورد الشهير .. اختارت مصطلح (عفن المخ) ليكون
كلمة العام لسنه 2024
ودا بسبب زيادة معدل استخدام هذا المصطلح (عفن المخ) بنسبه 230%

ومش هكلمك عن اعراض عفن المخ من قلة التركيز وعدم القدره على الاستمتاع بالحياة وبالانشطه المفيده وفقدان الميل للمذاكرة عند الطلبة وضعف التواصل الاجتماعي الحقيقي مع العيلة الواحدة ومع الأقارب والأهل والأصدقاء

يعنى ايه الكلام ده؟؟ 🤔
لازم نعرف ان أصحاب منصات التواصل الاجتماعي الفيس بوك و الانستجرام والتيكتوك والفيديوهات القصيرة زي الشورتس والريلز مش عاملين المنصات دى عشان هم مهتمين بخدمتك وأنها تقدم لك فيديوهات للمتعة والتسلية والترفيه
دي منصات مصممه بدقه شديدة للتلاعب بهرمونات جسم الانسان وبالذات الأطفال والشباب والمراهقين عشان تخليك مدمن ليها
طب ازاي ده بيحصل ؟؟؟

كل مره انت بتتفاعل وبتتفرج على فيديوهات هذا المحتوى بتحصل تغيرات لبعض الهرمونات في دماغك والدليل أن التغيرات دي هي بتجبرك وبتخليك ترجع تتفرج تاني وتالت وعاشر
ومن هذه الهرمونات هرمون الدوبامين
هرمون السعادة والمكافئه وهو المسؤول عن الشعور بالمتعه والتحفيز ويسبب الإدمان

طب امتى بيتم افراز هذا الهرمون؟


بتتفرج على فيديو لشخص بيكلمك عن التخيل والبعد الربانى والوعي الكوني والتأمل والصمت عن الكلام والروح وإنك داخلك طاقة تهد جبال وانت حتة من روح الله
كل ده عقلك يفرز دوبامين وتبدا تشعر بالتغيير وبالسعادة ولكن هل هذه سعادة حقيقة ؟
طب حد هيقول لي بس الدوبامين ده حلو وبيحسسني اني أنجزت وبكون سعيد جداً ، ايه المشكلة ؟؟؟

نسيب هرمون الدوبامين ونروح لهرمون تانى بيتلاعبوا بينا بيه وهو هرمون السيروتونين ،
الهرمون ده بيسموه هرمون المزاج والشعور باالراحه النفسيه وهو مرتبط بهرمون الدوبامين

تعالوا نروح لتالت هرمون يؤثر على عقولنا وعقول أطفالنا وشبابنا وبناتنا نتيجة مشاهده المحتوى التافه وهو هرمون الاوكسيتوسن ، هرمون الحب والثقه والترابط الاجتماعي

الطبيعى الدماغ بيفرز الاوكسيتوسن عند التفاعل الاجتماعي الايجابي زي عناق الاب لأبنائه والام لأولادها والزوج لزوجته والمحادثات الطيبة المليئة بالود والشعور بالاهتمام وقضاء الأوقات الطيبة مع الأسرة والأهل والأصدقاء

ومن الفيديوهات اللى بتساعد على افراز هرمون الاوكسيتوسين والدوبامين طبعا … الدوبامين معانا ف كل الفيديوهات … مقاطع الايه
اس ام ار
محتوى الايه اس ام ار منتشر جدا جدا وبيحقق ملايين المشاهدات

اصوات اكل خصوصا شوكولاته دبي
صوت سلايم
اصوات همس
كرمشة اكياس بلاستيك
اصوات كيبورد
تطفي النور وتشغله
خبط بالاظافر على جهاز موبايل وغيرها كتير

Autonomous sensory meridian response

النوع ده من المحتوى بيدي احساس للمخ انه بيتفاعل بطريقه مشابهه جدا للتعاملات الاجتماعيه مع الناس
يعني بتحس أن الشخص اللي بيقدم الفيديو عامله عشانك انت ، مهتم بيك انت ، بيهمس ف ودنك انت وكل ده بيديك احساس بالاهتمام الشخصي والانتماء أو الارتباط بالشخص اللي على الشاشة وبالتالي يديك اوكسيتوسين

انما في الحقيقه انت بتوهم عقلك وبالتالي بتغير كيميا المخ

ومن اسوأ واغرب انواع المحتوى بعد
ال اي اس ام ار
محتوى ال موكبانج او الأكل حتى الموت
تخيلوا ناس بتاكل اكل غير صحي بكميات رهيبة والغرض كله جمع المشاهدات وكسب المال حتى لو كان ده على حساب صحتهم وحياتهم

هرمون الكورتيزول هرمون التوتر والقلق

الهرمون ده بيفرز في حاله القلق والخوف عشان الجسم يدخل في حاله استعداد لمواجهه الخطر زي مثلا لو كلب جري وراك في الشارع

خامس هرمون بيأثر علينا بطريقة سلبية بسبب مشاهده هذا النوع من المحتوى التافه هو هرمون
الميلاتونين

الهرمون ده هو المسؤول عن النوم والشعور بالنعاس بالليل
استخدام التليفون قبل النوم بيقلل من افراز الميلاتونين بسبب الضوء الازرق اللي بيخرج من شاشات التليفون او التلفزيون
وكمان تصفح الجوال قبل النوم بيخلي العقل في حاله نشاط فبيكون من الصعب تروح في النوم

اذن النتيجه قله النوم والارق وبالتالي الشعور بالتعب وضعف التركيز ده غير زياده الوزن وضعف المناعه بسبب قله النوم


قال صلى الله عليه وآله وصحبه وسلم
: لَا تَزُولُ قَدَمَا عَبْدٍ يَوْمَ القِيَامَةِ حَتَّى يُسْأَلَ عَنْ عُمُرِهِ فِيمَا أَفْنَاهُ، وَعَنْ عِلْمِهِ فِيمَ فَعَلَ، وَعَنْ مَالِهِ مِنْ أَيْنَ اكْتَسَبَهُ وَفِيمَ أَنْفَقَهُ، وَعَنْ جِسْمِهِ فِيمَ أَبْلَاهُ

وجزاكم الله خيرا