( تاملات إيمانية في سورة مريم 1 ) د حازم شومان ، مسجد الجمعية الشرعية بالمنصورة ، الجمعة 17-10-2014

هنبدأ تدبر السورة التي كانت سبب في إسلام النجاشي الملك النصراني الذي أسلم حينما سمع بعض من آياتها

امتي نزلت سورة مريم ؟

سورة مريم ياجماعه نازله قبل سورة طه
. سورة طه دي اللي أولها عمر بن الخطاب أسلم بسببها

لما سمع فواتح طه أسلم بسببها وعمر بن الخطاب أسلم مع بداية هجرة الحبشه لما إتأثر بتضحية المسلمين
اللي سابوا اوطانهم إتهز قلبه وده كان من سبب إسلامه
٠ في ناس كتير أوي بتتأثر بمشهد التضحية

يبقى سورة مريم نازله قبل هجرة الحبشه
سورة مريم نازله في آخر المرحلة الجهرية
سورة مريم نازله بعد ما سميه إتقتلت وبعد ما الصحابه إتعذبوا أشد التعذيب
٠ سورة "مريم" نازلة تمهيد لهجرة الحبشة بتقول للصحابة شوفوا مريم اللي انتبذت من أهلها
اللي سابت الدنيا علشان ربنا.
٠ شوفوا إبراهيم اللي قال (ِوَأْعْتَزْلُكُمْ وَمَا تَدْعُونَ من دُون الله ) اللي ساب الدنيا علشان ربنا
علشان لما هيتقال لهم سيبوا الدنيا عشان تعبدوا ربنا هناك يقولوا سمعنا و أطعنا.

٠ في الوقت اللي الصحابة كانوا بيعذبوا فيه
٠ كان متوقع السورة تنزل بتتكلم عن الاصطدام بأهل الباطل.
نفاجأ أن السورة كلها كلام عن العبادة
كلها كلام عن الدعوة إلى الله
كلها كلام عن التربية وثمرة التربية
كلها كلام عن بناء الأسرة المسلمة
يعني إيه ؟أوعوا تستفزوا كأن سورة "مريم" رسالة لينا أوعوا تكفروا بمنهجكم ساعة
ما الواقع يضغط عليكم
٠ أوعوا لما تلاقوا أهل الباطل توحشوا ضد أهل الحق تخرجوا عن خط السير بتاعكم في الدعوة والتربية .أوعوا تكفروا بمنهجكم: ْ
٠ أوعوا تلجأوا لحلول إصطدامية بدل ما تقدم الدعوة تأخر الدعوة لورا سنين.

٠ محتاجين السورة اللي نازلة في نفس الواقع اللي إحنا عايشينه النهارده.
محتاجين السورة اللي بتتكلم عن أخطر بقعة على وجه الأرض شهدت أحداث سياسية دامية "القدس".

الرابط مابين قصص الأنبياء في السورة
إن كل دول تعرضوا للقتل؛
كل الأنبياء دول عاشوا في واقع سياسي رهيب وعاشوا في واقع إجتماعي محتدم
و عاشوا في واقع شهوات قاتلة.
٠ عشان لما يجي النهاردة واحد يستنكر منهج الدعوة إلى لله يروح الأول يشوف الأنبياء عملوا إيه لما عاشوا في نفس الواقع ؛ احنا مبنرسمش خط سير نصرة الدين بدماغنا ..احنا بنتلقى من القرآن وبنفهم من القرآن وبنمشي بناءا على هدي القرآن

هنشوف مع بعض ياجماعة المنهج ونواجه نفسنا بمنهجنا ونبدأ
نقيس علي نفسنا إحنا على الطريق ولا مش على الطريق.

هناخد القدوات الحقيقيه للمسيره بتاعتنا إلي يوم القيامه

٠ سورة مريم بتقول إيه؟
سورة مريم عاملة زي إيه؟ إنتوا عارفين بالضبط كده لما أقولك مثلا إيه؟ ده اللي عرف
يوصل لرجل الأعمال الفلاني إداله عربية واداله فيلا وعينه ب ١١ الف جنيه في
الشهر
فأنت لما تسمع الكلام ده طب أوصل له إزاي؟ أهو بالضبط كده. سورة مريم بتقول لك اللي وصلوا
لربنا ربنا عمل لهم إيه؟ اللي نالوا حب ربنا
ربنا إدالهم إيه؟
ماذا لو أحبك الله ؟
سورة مريم بتتكلم عن علاقة باهرة .
. عن علاقة مذهلة مابين العبد وما بين ربه.

أعظم غفلة في الدنيا أن يبقى فيه عباد قاعدين دلوقت بيتنزل عليهم عطاءات باهرة وهم في هذا الوقت اللي بيتنزل العطاءات الباهرة دي فيه ناس زينا قاعدين غافلين مش فاهمين حاجة

ماذا لو أحبك الله ؟
أنا عايزكم دلوقتي تقولولي إيه الألفاظ العظيمة في السورة اللي وصف بيها الله حينما يحب عبد من العبيد ؟
١: الحنان (ِوَحَنَانَا مّن لَدُنَا ).
٢:الرحمة (ِذِكْرُ رَحْمَة رَبَكَ عَبْدَهُ زَكَرِيًا).
٣: الود (إِنّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمْ الرَّحْمَنُ وُذَا) .
٤: الحفاوة ( إِنَهُ كَانَ بي حَفِيًا
٥: الوهب "فَهّبْ لي من لَدْنكَ وَلِيَا ".

.السورة أولها بشرى وآخرها بشرى
أولها( يا زكريا إِنا نبشرك )
وآخرها ( فَإِنَّمَا يَسَرْنَاهُ بلسانك لِتُبَشَرَ به الْمُتَقِينَ ).
السورة بدايتها بشرى ونهايتها بشرى.
السورة بتقولك إفرح.
٠ السورة بتقولك الطريق ده جميل
٠ السورة بتقولك طول ما أنت في ولاية ربنا إفرح وأبشر وأقبل على الله
سورة بتبهرنا بالعلاقة الرهيبة التي بين الله وبين أوليائه
ماذا لو تولاك اللّه؟

الحاجة التالتة في سورة مريم
يا جماعة سورة مريم عرض مذهل
دلوقتي كل الناس بترزق بأسباب فالناس من كتر ما الرزق كله بأسباب فالناس قلبها تعلق
بالأسباب وليست بالفاعل الحقيقي وهو الله
٠ فأحيانا ربنا بيكسر السنن ليذكر الناس بالفاعل الحقيقي وهو الله
سورة مريم بقى رفعت حجاب الأسباب ْ
سورة مريم عطاءات بلا أسباب

ربنا عامل دول بلا أسباب ليه؟؟ لأنهم عاملوا الله بلا أسباب, لأنهم ارتقوا في اليقين الكامل فربنا عاملهم بمعاملة غير البشر
** لتحميل ومشاهدة باقي الجودات الأخرى ( العالية - المتوسطة - الصوت ) :

http://way2allah.com/khotab-item-1040...

===============================================
شبكة الطريق إلى الله :

www.Way2allah.com

الصفحة الرسمية لشبكة الطريق إلى الله
  / way2allahpage