Shije Shtëpie – Emisioni 23 Janar 2024

Të ftuar:

Shkëlqim Balili - gjinekolog

Vitjona Nano - psikologe

Rezart Cenaj

Elona Nallbani

Gazetare: Agida Koçi

Tasqebap

500 gr mish viçi ose dashi (tul)

3-4 kokrra qepë mesatare

1 lugë supe miell

Gjysmë gote verë

1 lgj salcë domate (koncentrat)

2 thelpinj hudhër

1 lç piper të kuq

1 gjethe dafine

Kripë dhe piper i zi

2 domate (sipas dëshirës)

Mishin që kemi zgjedhur e presim në kubikë ose në shirita. Qepën e presim në fije. Ngrohim vajin dhe kaurdisim mishin e qepën derisa mishi të marrë pak ngjyrë. Pastaj shtojmë miellin, e përziejmë mirë deri sa mielli të skuqet pak. E shuajmë me verë. Shtojmë salcën, piperin, dafinën, hudhrën e prerë hollë. Shtojmë ujë baraz me nivelin e mishit ose shumë pak më shumë. Vendosim temperaturën në mesatare dhe e lëmë të ziejë ngadalë. Mund të shoqërojmë me pure patate ose patate të skuqura. Shënim: Jo në çdo rast mund të përdorim domatet. Nëse ato do jenë të pjekura mirë dhe të freskëta mund të grijmë në rende 2 domate dhe i shtojmë në momentin që shtojmë salcën.

Petulla me perime

2 vezë

300 ml qumësht

300 ml ujë

1 lgj maja të thatë

1 lgj sheqer

420 gr miell

Kripë

Perimet:

1 patate (në rende)

100 gr djathë (të thërrmuar)

1 spec (sipas dëshirës)

Vaj për skuqje

Në një tas sipas radhës në recetë vendosim të gjithë përbërësit. I përziejmë mirë me tel vezësh dhe pasi të na jetë formuar në brumë pak i hollë por më i trashë se krepat, mbulojmë tasin me celofan dhe e lëmë të pushojë 30 minuta.

Pasi të kalojë kjo kohë shtojmë pataten të grirë në rende, djathin dhe nëse dëshironi, specin të prerë në kubikë shumë të vegjël. I përziejmë mirë. Hedhim në tigan një lugë gjelle vaj, e hapim mirë me furçë dhe shtojmë një garuzhde e gjysmë brumë. E hapim mirë në të gjithë sipërfaqen dhe e mbulojmë me kapak për 5 minuta. Më pas shtojmë pak fare vaj mbi petull dhe e kthejmë, e pjekim dhe nga ana tjetër. Kështu vazhdojmë deri në përfundim të brumit. I shërbejmë të ngrohta.

#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.

SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/ #Receta#ZonjaVjollca#KaterinaTrungu