1.12.2025 Նորա Հայրումյան և Սյուզաննա Ղուլյան
Автор: Susanna Hovhannisyan
Загружено: 2025-12-07
Просмотров: 34
Հայաստանը այն արմատն է, որը մեզ կապում է Արցախի հետ․ «Ծնվել եմ Արցախում» ծրագիրը օգնում է իրականացնել Արցախի պատանի երաժիշտների երազանքը
2023 թվականի տեղահանումից հետո «Unicef»–ի ազգային դեսպան, դիրիժոր Սերգեյ Սմբատյանի նախաձեռնությամբ «Ծնվել եմ Արցախում» կրթական ծրագիրն օգնում է իրականացնել Արցախի 23 պատանի երաժիշտների խորացված մասնագիտական կրթությունը և մշակութային առաքելությունը։ Նրանք արդեն հանդես են եկել Բեռլինում, Թբիլիսիում, Մոսկվայում, ԱՄՆ-ում։ Ծրագրի համակարգող Նորա Հայրումյանը և շահառու, ջութակահար Սյուզաննա Ղուլյանը «Ուրիշ նորություններում» խոսել են ծրագրի ընթացքի, նպատակների և միջազգային հաջողությունների մասին։
«Շատ տաղանդավոր երեխաներ տեղահանվելուց հետո չէին ուզում մոտենալ գործիքին, ուստի նպատակն էր երեխաներին աջակցել, մոտիվացնել, որպեսզի նրանք չհանձնվեն»,–ասում է Նորա Հայրումյանը։
Ծրագրի շրջանակներում, որը ներառում է վարպետության դասեր աշխարհահռչակ երաժիշտների հետ, 6 երեխայի տրամադրվել է սեփական երաժշտական գործիք։
Նրանք կարևորում են նաև ծրագրի անվանումը որպես կարևոր ուղերձ․ «Արցախը միշտ հնչելու է նրանց միջոցով։ Երեխաները տարբեր բեմերում ներկայացնում են իրենց ինքնությունը և հայրենիքի անունը»։ Երեխաները միմյանց հետ շփվում են արցախյան բարբառով, ինչը նույնպես թերապիա է։
Доступные форматы для скачивания:
Скачать видео mp4
-
Информация по загрузке:
